Prezıdent tapsyrmalaryn sapaly oryndaý qoǵamǵa da baılanysty – Murat Ábenov
«Kóptegen máseleler qamtyldy. Olar negizinen ótken jyldardaǵy reformalardyń qısyndy jalǵasy dep túsindim. Olardyń júzege asyrylýy tek bılikke ǵana emes, sonymen qatar qoǵamǵa da baılanysty», - dedi Murat Ábenov Prezıdent Joldaýyn onlaın rejımde ótken talqylaý barysynda.
Osy oraıda ol qoǵam saıası reformalarǵa daıyn bolýy kerektigin atap ótti.
«Eger qoǵam daıyn bolmasa, saıası belsendik turǵysynan álsizdik tanylsa, onda bir orynda turalap qalatynymyz anyq. Sondyqtan kóp qadamdar qoǵamnyń ózine de baılanysty», - dedi M. Ábenov.
Aıta keteıik, 2020 jylǵy 1 qyrkúıekte Memleket basshysy Qasym-Jomart Toqaev Parlament palatalarynyń birlesken otyrysynda Qazaqstan halqyna jyl saıynǵy dástúrli Joldaýyn jarııalady.
«Eger azamattarymyzdyń ál-aýqatyn shyn máninde jaqsartqymyz kelse, olardyń ózderin osy iske belsendi túrde tartqan jón. Aldaǵy saıası reformalardyń barlyǵy halyqty memleket basqarý isine keńinen qatystyrýǵa baǵyttalýy kerek. Mysaly, qoǵamdyq pikir saýalnamalary aýyl ákimderiniń saılaý arqyly qyzmetke kelýine qatysty suranystyń artqanyn kórsetip otyr. Bul mańyzdy qadamdy jan-jaqty oılastyryp, dáıekti túrde júzege asyrǵan jón. Mundaı júıeniń qalaı jumys isteıtinin naqty bilýimiz kerek. Alaıda, bul máseleniń sheshimin keıinge qaldyrýǵa bolmaıdy. Kelesi jyly birqatar aýyldyq okrýg ákimderiniń ókilettik merzimi aıaqtalady. Aýyl ákimderiniń tikeleı saılaýyn ótkizýge bolady dep oılaımyn», - dedi Prezıdent.