Buqtyrma sý qoımasy arqyly ótetin kópir kelesi jyly iske qosylady

<p>Prezıdent Qasym-Jomart Toqaevtyń tapsyrmasymen Shyǵys Qazaqstan oblysy Kúrshim men Samar aýdandarynyń arasyn jalǵaıtyn &laquo;Qyzyl tý&raquo; ótkeline salynyp jatqan kópir kelesi jyly synaq rejıminde iske qosylady, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

ShQO jolaýshy kóligi jáne avtomobıl joldary basqarmasynyń málimetine súıensek, jalpy uzyndyǵy 1316 metr bolatyn kópirdi salýǵa 61,4 mlrd teńge jumsalmaq.

Búgingi tańda 27,4 mlrd teńge ıgerildi.

Jyl sońyna deıin respýblıkalyq bıýdjetten qurylysqa bes mlrd teńge bólinbek. Sondaı-aq oblystyq bıýdjetten 3 mlrd teńge qarastyrylǵan.

«Qazirdiń ózinde úsh mlrd teńgeniń jumysy aıaqtaldy. Aqsha bólinbeı qalǵan kezde de merdigerler toqtamaı, nesıe alyp, jumysty jalǵastyrǵan. Endi aqsha túsken soń taǵy da kópir aralyqtary satyp alynady. Olar Reseıdiń Qorǵan qalasynan jetkiziledi», - deıdi basqarma basshysy Nurjan Jumadilov.

Onyń aıtýynsha, eger 2024 jyly qarjylandyrý josparǵa sáıkes júrgizilse jyl sońyna deıin kópir synaq rejıminde iske qosylady.

Al kelisimshart boıynsha qurylys 2025 jyldyń birinshi jartysynda túpkilikti aıaqtalýy kerek.