Prezıdent tapsyrmalarynyń nátıjesi aýyl halqynyń jaǵdaıynan baıqalady - sarapshy

<p>Memleket basshysy Qasym-Jomart Toqaevtyń ótken jylǵy saılaýaldy baǵdarlamasynda aýyl sharýashylyǵy salasyn odan ári damytýǵa kóńil bólindi. <a href="https://kaz.inform.kz/" target="_blank" rel="noopener">Kazinform</a> tilshisi &laquo;Qazaqstan aýylsharýashylyq kooperatıvteriniń ulttyq odaǵy&raquo; zańdy tulǵalar birlestiginiń prezıdenti, sarapshy Myrzahmet Óksikbaevtyń pikirin bilgen edi.</p>

«Prezıdent júktegen tapsyrmalardyń qanshalyqty oryndalyp jatqany aýyl halqynyń jaǵdaıynan kórinedi. Baǵasyn beretin de halyq. Sý máselesi, jaıylymdyq jerler, lızıng bolsyn, kóptegen másele bar jáne olardyń sheshimi tabylyp jatyr. Kelesi kópti tolǵandyratyn másele – aýyl halqynyń jappaı kóshýi. Bul rette aýyl turǵyndaryn qoldaýǵa arnalǵan «Aýyl amanaty» baǵdarlamasy bar. Ol boıynsha aýylda isin damytam deýshilerge qarjylaı qoldaý kórsetilip jatyr. Atap aıtqanda, 100 mlrd teńge bólindi», - dedi Myrzahmet Óksikbaev.

Sarapshynyń aıtýynsha, aýyldyqtarǵa jeńildetilgen nesıe berýde birqatar másele bar. Atap aıtqanda, aýyl halqyn aldyn ala oqytý qajet. Túsindirme jumystary aqsap tur.

«Turǵyndar jeńildetilgen nesıeni alady, biraq osydan keıin jem-shóp, jaıylymdyq jerler máselesi týyndaıdy. Osy oraıda, úılestirý jumysyna kóńil bólý kerek. Nesıe qaıtarymdy bolýy qajet», - deıdi ol.