Prezıdent Taldyqorǵandaǵy jańa shaǵynaýdanǵa bardy

<p>Memleket basshysy Jetisý oblysynyń ortalyǵynda salynyp jatqan jańa shaǵynaýdanda bolyp, qurylys barysymen tanysty, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Jasym-Jomart Toqaevqa jańa shaǵyn aýdanda 41 turǵyn úı salynyp jatqany jóninde baıandaldy.

1510 páterdiń jalpy aýdany – 122,6 myń sharshy metr. Qurylysqa 28,3 mlrd teńge bólingen.

Taldyqorǵan qalasynyń ákimi Ernat Bázildiń aıtýynsha, osy shaǵynaýdanda byltyr aýmaǵy 44,1 myń sharshy metr bolatyn 509 páterli 14 úıdiń qurylysy aıaqtalǵan.

Al bıyl jyl sońyna deıin 783 páterli taǵy 21 úıdi aıaqtaý josparlanyp otyr.

Foto: Aqorda

Qala basshylyǵy qalǵan 218 páterli 6 úıdiń qurylysyn kelesi jyly aıaqtaıtynyn jetkizdi.

Sondaı-aq jyl sońyna deıin Taldyqorǵan qalasy boıynsha jalpy kólemi 155,2 myń sharshy metrdi quraıtyn 2 065 páter paıdalanýǵa beriledi.

2024 jyly 2 375 páter salý josparlanǵan.

Budan bólek, Qaratal ózeniniń oń jaǵalaýyn damytý qarastyrylǵan.

Jańa shaǵynaýdandarda aldaǵy ýaqytta 28 myńnan astam adam turady dep boljam jasalyp otyr.

Foto: Aqorda

Bul – qala halqynyń 14 paıyzy.

Osy máselelerdi eskere kele azamattardyń jaıly turmysyn qamtamasyz etý úshin qýaty saǵatyna 50 Gkal bolatyn gaz qazandyǵyn, sondaı-aq osy shaǵynaýdanǵa 1200 oryndyq mektep salý qajettigi aıtyldy.

Kezdesý sońynda Prezıdent Úkimetke atalǵan máselelerdi zerdelep, tıimdi sheshim qabyldaýdy tapsyrdy.