Prezıdent suhbatynan kópshilikti mazalaǵan suraqtarǵa jaýap aldyq – Darııa Qojamjarova
«Bul - qaraly qańtardan keıingi Memleket basshysynyń birinshi suhbat berýi. Shyndyǵynda bul suhbatty halyq kútti jáne bárimizdi kópten beri mazalap júrgen suraqtarǵa naqty jaýap berildi. Prezıdent aıtqan «halyq únine qulaq asatyn memleket» quramyz desek, onda dál qazirgi ýaqytta ashyqtyq saıasaty kerek. Eń aldymen keshegi suhbatta «qaraly qańtarǵa» qalaı tap boldyq, sol ýaqyttaǵy bizge beımálim bolǵan jaıttar ashyq aıtyldy. Elimiz úshin qıyn sátterde tyń sheshimder qabyldaý qajettigi týyndaǵanynan habardar boldyq. Osy oraıda kúni keshe ótken «Nur Otan» partııasynyń kezekten tys sezinde Memleket basshysynyń «Jańa Qazaqstan» qurý úshin ótkenimizdi esh ýaqytta umytpaýǵa tıis ekendigimizdi basa aıtqany eske túsedi. Al ótkenimiz – elimizdiń qaýipsizdigi, elimizdiń Táýelsizdigi, memlekettiń egemendigi. Bul - qazirgi kezeńde kózimizdiń qarashyǵyndaı saqtaıtyn tarıhtyń eń úlken belesi. Sondyqtan búkil halyq bolyp osy máseleni durys talqylap, oń sheshimin tabýymyz qajet jáne bolashaǵymyz úshin jumys isteýge tıispiz», - dedi Darııa Qojamjarova Memleket basshysynyń keshegi «Habar» arnasyna bergen suhbatyna oraı bildirgen pikirinde.
Ýnıversıtet basshysy keshegi suhbat barysynda QR Prezıdenti bolashaǵymyz qandaı bolatyndyǵyna qatysty oıyn ashyq bildirgenin atap ótti.
«Memleket basshysy elimiz parlamenttik respýblıka bolýy múmkindigine qatysty da pikirin bildirdi. Jalpy, Májiliste myqty-myqty partııalar bolsa, olar shynaıy halyqtyń ortasynan tabylyp, naqty jetistikterge qol jetkize alsa, onda bul da basqarýdyń bir júıesi bolar edi. Biraq, bul búgin-erteń bola qoıatyn jaıt emestigin bárimiz de túsinemiz. Al bolashaqta munyń da qajeti bar shyǵar. Ony da oılaýǵa tıispiz. Demokratııasy damyǵan Eýropa elderinde memlekettik basqarýdyń prezıdenttikpen qatar parlamenttik júıesi de tıimdiligin kórsetip otyr. Sondyqtan buǵan da daıyn bolýymyz kerek. Túptep kelgende Prezıdent suhbatynan keıin Qazaqstannyń bolashaǵyna qatysty oı qalyptasty. ıAǵnı, Memleket basshysy elimizdiń bolashaǵy bilimde, ǵylymda, jańa tehnologııalarda jáne qazaqstandyqtardyń ál-aýaqytynyń artýynda ekendigin aıtty. Sondyqtan ata-babamyz ańsaǵan jańa Qazaqstandy qurý kezeńinde bul da damýdyń bir úrdisi bolary anyq. Demek, úmit sónbeıdi, arta beredi», - dedi Darııa Qojamjarova.