Prezıdent Strategııalyq josparlaý agenttiginiń tóraǵasyna tapsyrma berdi

NUR-SULTAN. QazAqparat - Búgin Úkimettiń keńeıtilgen quramdaǵy otyrysynda Prezıdent Qasym-Jomart Toqaev Strategııalyq josparlaý jáne reformalar agenttiginiń tóraǵasy Qaırat Kelimbetovke tapsyrma berdi, dep habarlaıdy QazAqparat tilshisi.

«Agenttik ǵylymı negizdelgen, jan-jaqty pysyqtalǵan usynystardy jetkizýi tıis. «Halyq únine qulaq asatyn memleket» tujyrymdamasyn iske asyrý aıasynda bılik pen qoǵam arasyndaǵy pikir almasýdyń turaqtylyǵyn qoldaý kerek. Sondyqtan Sizden (Qaırat Kelimbetov-avt.) táýelsiz sarapshylarmen turaqty dıalogty qamtamasyz etýdi suraımyn. Sonymen qatar, bizge durys ári naqty tájirıbeli sheshimder kerek», - dedi Prezıdent atalǵan agenttik basshysyna qarata aıtqan sózinde.

Osy oraıda Memleket basshysy qazirgi kezde pikirtalastarǵa, túrli negizsiz baıandamalarǵa ýaqyt joq ekenin qadap aıtty.

«Bizge tabysty sheshimder kerek. ıAǵnı siz basqaryp otyrǵan vedomstvo jelisi boıynsha tabysty sheshimder bolýy tıis», - dedi Q. Toqaev agentti tóraǵasy Q. Kelimbetovke bergen tapsyrmasynda.