Prezıdent stıpendııasyn taǵaıyndaý erejesi ózgeredi

<p>ASTANA. KAZINFORM &ndash; QR Prezıdenti stıpendııasyn taǵaıyndaý erejelerine Ǵylym jáne joǵary bilim mınıstriniń 2024 jylǵy 20 aqpandaǵy №69 buıryǵymen ózgerister engizildi.</p>

Atalǵan «QR Prezıdenti belgilegen stıpendııalardy taǵaıyndaý erejesin bekitý týraly» Qazaqstan Respýblıkasy Bilim jáne ǵylym mınıstriniń 2011 jylǵy 7 sáýirdegi № 136 buıryǵyna ózgerister engizilsin:

Prezıdent stıpendııasy menshik nysany men vedomstvolyq baǵynystylyǵyna qaramastan joǵary jáne joǵary oqý ornynan keıingi bilim berý uıymdarynyń stýdentteri men magıstranttaryna taǵaıyndalady.

Stıpendııa:

1) stýdentter men magıstranttardyń ǵylymı-zertteý jáne oqý-tanymdyq qyzmetin yntalandyrýǵa;

2) anaǵurlym talantty jáne daryndy stýdentter men magıstranttardy qoldaýǵa;

3) ıntellektýaldy áleýetin qalyptastyrýǵa yqpal etýge baǵyttalǵan.

«Ǵylym jáne joǵary bilim mınıstrligi stıpendııany Prezıdent qaýlysynyń 4-tarmaǵyna sáıkes memlekettik organdar men menshik nysanyna jáne vedomstvolyq baǵynystylyǵyna qaramastan joǵary jáne joǵary oqý ornynan keıingi bilim berý uıymdaryna 2023 jylǵy 30 naýryzǵa deıin bóledi. Kúndizgi oqytý boıynsha stýdentter men magıstranttar sany 700 adam bolatyn joǵary oqý oryndaryna stıpendııa bólinbeıdi. Sondaı-aq, stıpendııa stýdentterge 3-kýrstan bastap, al magıstranttarǵa ekinshi oqý jylynan bastap memlekettik bilim berý tapsyrysy boıynsha jáne aqyly negizde tek «óte jaqsy» (A, A-) oqıtyn stýdentter men magıstranttarǵa beriledi», - delingen buıryqta.

Stıpendııa kelesi sanattaǵy stýdentter men magıstranttarǵa taǵaıyndalady:

1) respýblıkalyq jáne halyqaralyq olımpıadalardyń, shyǵarmashylyq konkýrstardyń, sporttyq jarystardyń, festıvaldardyń jeńimpazdary nemese jańalyqtar, ónertapqysh avtorlarǵa;

2) ǵylymı eńbek jınaqtarynda, respýblıkalyq jáne halyqaralyq ǵylymı jýrnaldarda jarııalanymdary barlarǵa;

3) tabystary dıplomdarmen, gramotalarmen, sertıfıkattarmen, kýáliktermen rastalǵan ǵylymı-zertteý jumystarymen belsendi aınalysatyndarǵa;

4) JOO-nyń qoǵamdyq, mádenı jáne sporttyq ómirine belsene aralasatyndarǵa.

«Stıpendııa ǵylymı keńestiń sheshimi negizinde joǵary oqý orny rektorynyń buıryǵymen júzege asyrylady jáne ol bir akademııalyq kezeńge taǵaıyndalady. Sol sııaqty stıpendııa joǵary oqý orny ǵylymı keńesiniń sheshimine sáıkes bir tulǵaǵa birneshe ret berilýi múmkin. Úmitkerler arasynda teń jaǵdaı týyndaǵanda jetim jáne ata-ananyń qamqorlyǵynsyz qalǵan stýdentter men magıstranttarǵa, bala kezinen múgedek shákirtterge beriledi», - dep tolyqtyrylǵan qujatta.

Ǵylym jáne joǵary bilim mınıstri buıryǵynyń tolyq nusqasymen myna silteme arqyly tanysýǵa bolady.