Prezıdent Stepnogorsk qalasyndaǵy mamandandyrylǵan balalar men jasóspirimder sport mektebine bardy
Onda boks, erkin kúres, aýyr atletıka, dzıýdo, kórkem gımnastıka, fýtbol, shańǵy jarysy jáne sambo sektsııalary boıynsha 1140 bala sportpen shuǵyldanady. Sabaqty 30 jattyqtyrýshy-oqytýshy júrgizedi.
Memleket basshysyna balalar men jasóspirimderge arnalǵan sport mektebi tárbıelenýshileriniń oqý-jattyǵý sabaqtaryn ótkizetin aýyr atletıka zaly men úlken oıyn zaly tanystyryldy.
Qasym-Jomart Toqaev mektepti aralap kórgennen keıin óńirdiń belgili sportshylarymen jáne jattyqtyrýshylarymen kezdesti.
Prezıdent qazaqstandyq sportshylardyń ónerin árdaıym tamashalaıtynyn jáne qoldaıtynyn atap ótti. Sondaı-aq iri jarystardaǵy joǵary jetistikteri úshin sportshylarǵa alǵys aıtyp, elimizdiń sheteldegi ımıdjin arttyrýǵa qosqan olardyń úlesine toqtaldy.
Shara sońynda Memleket basshysy Leık-Plesıdte (AQSh) ótken Dúnıejúzilik qysqy ýnıversıada chempıony bıatlonıst Bekentaı Turlybekovke Alǵys hatyn tabys etti.
Foto: akorda.kz