Prezıdent SOVICO Group kompanııasynyń basqarma tóraǵasy Ngýen Than Hýngti qabyldady

<p>Memleket basshysy SOVICO Group kompanııasynyń basqarma tóraǵasy Ngýen Than Hýngti qabyldady, dep habarlaıdy <a href="https://kaz.inform.kz/" target="_blank" rel="noopener">Kazinform</a> Aqordanyń baspasóz qyzmetine silteme jasap.&nbsp;</p>

Qasym-Jomart Toqaev Ngýen Than Hýngke iltıpat bildire otyryp, óziniń bıyl tamyz aıynda Vetnamǵa jasaǵan resmı saparyn eske saldy. Sapar barysynda qol jetkizilgen ýaǵdalastyqtar ekijaqty yntymaqtastyqty keńeıtýge jáne ózara tıimdi kooperatsııanyń jańa baǵyttaryn ashýǵa tyń serpin berdi.

Prezıdent SOVICO Group kompanııasynyń ınvestıtsııalyq qyzmetine qajetti jaǵdaı jasaýǵa elimizdiń daıyn ekenin jetkizdi.

«Sizdiń Qazaqstandaǵy iskerlik belsendiligińizdi quptaımyz. Ózara yntymaqtastyq ornatatyn salalardy aıqyndaı alatynymyzǵa senimdimin», – dedi Qasym-Jomart Toqaev.

Memleket basshysynyń aıtýynsha, atalǵan sharalar Qazaqstan men Vetnam arasyndaǵy iskerlik baılanysty jandandyrýǵa yqpal etedi.

Kezdesý barysynda yqpaldastyqtyń perspektıvti baǵyttary, sonyń ishinde kólik-logıstıka, qarjy jáne taý-ken salalaryndaǵy yntymaqtastyq máseleleri qarastyryldy.