Prezıdent Soltústik Qazaqstan oblysynyń ákimi Ǵaýez Nurmuhambetovti qabyldady

<p>Memleket basshysy Soltústik Qazaqstan oblysynyń ákimi Ǵaýez Nurmuhambetovti qabyldady, dep habarlaıdy <a href="https://kaz.inform.kz/" target="_blank" rel="noopener">Kazinform</a> Aqordaǵa silteme jasap.&nbsp;</p>

Prezıdentke Soltústik Qazaqstan oblysynyń áleýmettik-ekonomıkalyq damýy týraly esep berildi.

Qasym-Jomart Toqaevqa óńir sharýalary qıyndyqtarǵa qaramastan 3,7 mıllıon tonna astyq jınaǵany jóninde baıandaldy.

Memleket basshysyna oblysta 13 sút fermasynyń qurylysy júrip jatqany, onyń altaýy jyl sońyna deıin iske qosylatyny jaıynda málimet berildi. Agrarlyq sektorda somasy 80 mıllıard teńge bolatyn 27 jobany iske asyrý josparlanǵan.

Sonyń nátıjesinde 1000 jańa jumys orny ashylmaq. Bul óńir halqynyń qus etine, sút ónimderine, kókónisterge degen qajettiligin qamtamasyz etýge múmkindik beredi.

Al ónerkásip salasynda quny 469 mıllıard teńge bolatyn 39 ınvestıtsııalyq joba júzege asyrylyp jatyr.

Bul 6 myń jumys ornyn ashýǵa múmkindik beredi. Bıyl 15 joba iske qosylady.

Ǵaýez Nurmuhambetovtiń aıtýynsha, jańa nysandar salý arqyly 25 aýyl sýmen qamtamasyz etiledi. Sondaı-aq keshendi blok-modýlder ornatý arqyly 149 aýylǵa jáne toptyq qubyr jobalary esebinen 46 aýylǵa sý beriledi.

Sonymen qatar Prezıdentke «Jaıly mektep» ulttyq jobasy aıasynda Petropavl qalasynda 4 mektep salynatyny jóninde aıtyldy.

Qazirgi ýaqytta múmkindigi shekteýli balalarǵa arnalǵan mektep qurylysy júrgizilip jatyr.

«Aýyldyq densaýlyq saqtaýdy jańǵyrtý» ulttyq jobasy aıasynda óńirde 46 medıtsınalyq mekeme iske qosylady.

Onyń segizi jyl sońyna deıin paıdalanýǵa beriledi. Sondaı-aq oblys ortalyǵynda eki emhana salynǵan. Ýálıhanov aýdanynda emhana qurylysy júrgizilip jatyr.

Budan bólek, oblys ákimi óńirdegi jylytý maýsymy qalypty rejımde ótip jatqanyn jetkizdi.

Kezdesý sońynda Qasym-Jomart Toqaev oblysty odan ári damytý jáne halyqtyń ózekti máselelerin sheshý jóninde birqatar tapsyrma berdi.