Prezıdent «Sokolov» ken ornynyń jumysymen tanysty

QOSTANAI. QazAqparat – Óńirge jumys sarapy barysynda Prezıdent «Sokolov-Carybaı ken baıytý óndiristik birlestigi» (SSKÓB) aktsıonerlik qoǵamyna baryp, Sokolov ken ornynyń jumysymen tanysty. Bul týraly QazAqparat Aqordaǵa silteme jasap habarlaıdy.

Memleket basshysyna SSKÓB kásipornynyń Eýropaǵa eksporttalatyn ónimderin keńeıtý jospary týraly málimet berildi.

Kásiporyn qyzmetiniń negizgi túrleri – temir rýdalaryn ashyq jáne jer astynda óndirý, quramynda temiri bar shekemtastar men kontsentrattar jáne taýarlyq dolomıt óndirý. 2022 jyldyń qorytyndysy boıynsha 26 mıllıon tonna ken óndirildi, taýar óniminiń kólemi 10 mıllıon tonnadan asty.

Ken ornynda Prezıdentke «Eýrazııalyq top» JShS-niń basqarma tóraǵasy Serik Shahajanov ystyq brıkettelgen temir óndirisi jobasyn jáne ken ornyn basqarýdyń avtomattandyrylǵan júıesin tanystyrdy.

Sonymen qatar, Memleket basshysyna «Sokolov-Carybaı ken baıytý óndiristik birlestiginiń» Eýropaǵa eksporttaıtyn ónimderin ulǵaıtý jospary týraly málimet berildi.

Prezıdent taý-ken óndirý sektory otandyq ekonomıkanyń ósimin artyratyn negizgi salanyń biri ekenin atap ótti. Memleket basshysy taý-ken óndirý isin damytýǵa qosqan úlesi úshin kásiporyn jumysshylaryna alǵys aıtyp, jumystaryna tabys tiledi.

Foto: akorda.kz