Prezıdent SINOPEC kompanııasy dırektorlar keńesiniń tóraǵasy Ma ıÝnshendi qabyldady

<p>Memleket basshysy SINOPEC kompanııasy dırektorlar keńesiniń tóraǵasy Ma ıÝnshendi qabyldady, dep habarlaıdy&nbsp; <a href="https://kaz.inform.kz/" target="_blank" rel="noopener">Kazinform </a>Aqordanyń <a href="https://www.akorda.kz/kz/memleket-basshysy-sinopec-kompaniyasy-direktorlar-kenesinin-toragasy-ma-yunshendi-kabyldady-1791217" target="_blank" rel="noopener">baspasóz</a> qyzmetine silteme jasap.</p>

Áńgimelesý barysynda ózara yntymaqtastyq jáne munaı-gaz hımııasy men energetıka salalaryndaǵy birlesken ınvestıtsııalyq jobalardy júzege asyrý perspektıvalary talqylandy.

Qasym-Jomart Toqaev SINOPEC kompanııasynyń polıetılen óndirisi jobasyna tolyqqandy seriktes retinde qatysýy Qazaqstannyń atalǵan kásiporynmen ornyqty yqpaldastyǵynyń aıqyn dáleli ekenin atap ótti. Qazaqstan munaı-gaz hımııasyna qatysty álemdik deńgeıdegi mundaı aýqymdy jobany buǵan deıin júzege asyrmaǵan. Jobanyń jalpy quny – 7,7 mıllıard dollar.

– Biz kompanııanyń Qazaqstan men Qytaı arasyndaǵy ekijaqty qarym-qatynasty damytýǵa, sondaı-aq elimizdiń munaı-gaz salasyna qosqan úlesin joǵary baǵalaımyz. Sizdiń kásipornyńyzben yntymaqtastyqty nyǵaıtýǵa múddelimiz ári Sizdiń kompanııany Qazaqstannyń strategııalyq seriktesi dep sanaımyz, – dedi Memleket basshysy.

Óz kezeginde Ma ıÝnshen Memleket basshysyna kompanııanyń 2024 jyldyń ekinshi jartysynda zaýyt qurylysyn bastaýǵa nıettenip otyrǵanyn aıtty. Sondaı-aq Atyraý munaı óńdeý zaýytynyń bazasynda taǵy bir strategııalyq jobany júzege asyrý – tereftal qyshqyly men polıetılentereftalat óndirisi keshenin salý josparyn jetkizdi.

– Biz osy jobanynyń damýyna úlesimizdi qosqymyz keledi. Bul jobaǵa aıryqsha mán beremiz, – dedi Ma ıÝnshen.

Budan bólek, kezdesýde geologııalyq barlaý jáne jer qoınaýyn paıdalaný, sondaı-aq atalǵan baǵytta zamanaýı tehnologııalardy qoldanýǵa qatysty yntymaqtastyq máseleleri qarastyryldy.