Prezıdent Іshki ister mınıstri Erjan Sádenovti qabyldady

<p>ASTANA. KAZINFORM &ndash; Memleket basshysy Qasym-Jomart Toqaev Іshki ister mınıstri Erjan Sádenovti qabyldady. Vedomstvo basshysy elimizdegi krımınogendik ahýal týraly málimet berdi. Bul týraly Aqordanyń baspasóz qyzmeti málimdedi.&nbsp;</p>

Erjan Sádenov:

elimizdegi krımınogendik ahýal týraly málimet berdi. Jyl basynan beri qylmys deńgeıi tómendegen. Urlyq, tonaý, qaraqshylyq, buzaqylyq, sondaı-aq turmystyq zorlyq-zombylyq, mas kúıinde jáne kóshelerde jasalatyn quqyq buzýshylyqtardyń sany aıtarlyqtaı azaıǵan;

qylmyskerlerdi izdestirý jumysynyń nátıjesi týraly baıandady. Jyl basynan beri 782 adam, onyń ishinde 79 azamat shetelde ustalǵan. Іzdeýde júrgen 16 adam elge ekstradıtsııalanǵan;
adam kóp jınalatyn jerlerde azamattardyń qaýipsizdigin qamtamasyz etý jóninde aqparat berdi. Terrorıstik áreket turǵysynan alǵanda osal eki myńnan astam nysan, sonyń ishinde mektepter, joǵary oqý oryndary, saýda jáne oıyn-saýyq ortalyqtary, kontsert zaldary men basqa da tarıhı-mádenı ǵımarattar tekserilgen;

kóshi-qon isin baqylaý jumystary jaıynda esep berdi. Jyl basynan beri elimizge 4,2 mıllıon shetel azamaty kelip, onyń 4 mıllıonǵa jýyǵy shekaradan keri shyqqan. Olardyń 90 paıyzy – TMD azamattary;

uıymdasqan, kıber jáne esirtki qylmystaryna qarsy is-qımyl jónindegi, sondaı-aq quqyq buzýshylyqtardyń, onyń ishinde turmystyq zorlyq-zombylyqtyń aldyn alý, sý tasqyny saldaryn joıý, jol qaýipsizdigin qamtamasyz etý, kezekten tys attestatsııalaý baǵyttaryndaǵy tapsyrmalarynyń oryndalý barysyn tanystyrdy;

kóshelerdegi qaýipsizdik deńgeıin arttyrý jáne quqyq buzýshylyqtarǵa múlde tózbeýshilik qaǵıdatyn qamtamasyz etý úshin qabyldanyp jatqan sharalar týraly aıtty.

Qasym-Jomart Toqaev elimizdegi quqyqtyq tártip pen qoǵamdyq qaýipsizdik deńgeıin odan ári arttyrý jóninde birqatar tapsyrma berdi.