Prezıdent Shyńǵys han ulttyq mýzeıine bardy

<p>ULAN-BATYR. KAZINFORM - Qazaqstan Prezıdenti Mońǵolııaǵa memlekettik sapary aıasynda Ulan-Batyr qalasyndaǵy Shyńǵys han ulttyq mýzeıin arnaıy baryp kórdi, dep habrlaıdy <a href="https://www.akorda.kz/kz/prezident-kasym-zhomart-tokaev-shyngys-han-ulttyk-muzeyine-bardy-2993831" target="_blank" rel="noopener">Aqorda.</a></p>

2019 jyly ashylǵan mýzeı qorynda 10 myńnan astam biregeı jádiger bar. Ekspozıtsııanyń negizgi bóligi uly qolbasshy ári jıhanger Shyńǵys han tulǵasyna arnalǵan. Budan bólek kórmede Ǵun dáýirinen bastap XX ǵasyrǵa deıingi Mońǵol memleketiniń qalyptasý kezeńderin tolyq qamtıtyn artefaktiler qoıylǵan.

Mýzeıdiń taǵy bir mańyzdy mindeti – Eýrazııa halyqtarynyń kóshpeli órkenıeti men mádenı murasyn zertteý jáne ony jan-jaqty dáripteý.

Memleket basshysy mýzeıdi aralap kórip, Qurmetti qonaqtar kitabyna: «Shyńǵys han ulttyq mýzeıi – uly tulǵanyń jáne tutas memlekettiń shejiresi. Rýhanııat ordasy el ıgiligine qyzmet ete bersin. Mońǵolııa halqynyń mereıi ústem bolsyn!» dep jyly lebizin qaldyrdy.

Foto: Aqorda

Foto: Aqorda

 

Eske salsaq, 28-29 qazan kúnderi Prezıdent Qasym-Jomart Toqaev Mońǵolııaǵa memlekettik saparmen baratynyn habarladyq.

Memleket basshysy Prezıdent Ýhnaagıın Hýrelsýhpen kelissóz júrgizedi. Sondaı-aq Mońǵolııanyń Uly Memlekettik Hýralynyń Tóraǵasy Dashzegvıın Amarbaıasgalanmen jáne Premer-mınıstr Lývsannamsraın Oıýýn-Erdenemen kezdesedi. Myńdaǵan jyldarǵa sozylǵan tarıhı baılanysy bar eki halyqtyń qazir túrli saladaǵy qarym-qatynasy jaqsy deńgeıde. Eki el basshysynyń kezekti kezdesýinde saıası jáne ekonomıkalyq baılanystardy nyǵaıtý jaıy talqylanyp, birqatar kelissóz ótýi múmkin ekeni aıtyldy.

Sonymen qatar Qazaqstan men Mońǵolııaǵa arasyndaǵy uzaq jylǵy baılanys týraly Kazinform tilshisiniń materıalynan oqýǵa bolady.