Prezıdent sheneýnikterge qandaı talap qoıatynyn aıtty

<p>Memleket basshysy Qasym-Jomart Toqaev Egemen Qazaqstan gazetine bergen suhbatynda kadr saıasatynda qandaı qaǵıdatqa súıenetinin aıtyp berdi, dep habarlaıdy <a href="Kazinform" target="_blank" rel="noopener">Kazinform</a>.</p>

Suhbat alýshy Dıhan Qamzabekuly Prezıdentten kadr saıasatynda qandaı qaǵıdatqa súıenetinin, qol astyndaǵy qyzmetkerlermen qarym-qatynasy qandaı ekenin surady.

«Memlekettik qyzmetshiler ózine júktelgen mindetti minsiz atqaratyn kásibı maman ǵana bolmaýy kerek. Olar árdaıym bastamashyl, naqty isimen elge paıda ákeletin jáne ózgeristerdiń ómirsheńdigin halyqqa kórsete alatyn azamat bolýy qajet. Sondaı-aq olar bilimdi-bilikti ǵana emes, sózi men isi úılesetin, tııanaqty, tártipti jáne arly adam bolýy shart», - dep jaýap berdi Qasym-Jomart Toqaev.

Sondaı-aq, Prezıdent qaramaǵynda qyzmet isteıtin azamattardyń ózine emes, Ádiletti Qazaqstandy qurý ıdeıasyna adaldyǵy áldeqaıda mańyzdy ekenin basa aıtty.

«Barlyq deńgeıdegi sheneýnikter men basshylar qoǵamnyń tamyryn tap basa bilýge, azamattardyń muń-muqtajyn tyńdap-túsinýge, soǵan sáıkes der kezinde nátıjeli sharalar qabyldaýǵa jáne durys sheshim shyǵarýǵa qabiletti bolýy kerek. Bul – eń basty talap. Olar «adam memleket úshin emes, memleket adam úshin» degen qaǵıdatty berik ustanýǵa tıis», - dedi Memleket basshysy.