Prezıdent shekaradaǵy kontrabandamen kúresetin arnaıy baǵdarlama ázirleýdi tapsyrdy

NUR-SULTAN. QazAqparat – Kontrabanda otandyq ónerkásipke, azamattar densaýlyǵyna qaýip tóndirip tur. Bul týraly Memleket basshysy Qasym-Jomart Toqaev Úkimettiń keńeıtilgen otyrysynda málim etti, dep habarlaıdy QazAqparat tilshisi.

Prezıdent kontrabanda máselesine toqtala kele, bul problema salyq salasyna, sondaı-aq otandyq ónerkásipke, azamattar densaýlyǵyna, qorshaǵan ortaǵa tikeleı qater týdyratynyn atap ótti.

Sonymen qatar, Memleket basshysy memleket saıasatynyń mańyzdy júıesiniń biri kedendik-tarıftik baǵyttyń tıimdiligi jetkiliksiz ekenin aıtty.

«Úkimetke bıylǵy 1 qyrkúıekke deıin memleket shekarasynda zańsyz taýar aınalymyna qarsy is-qımyldyń keshendi baǵdarlamasyn daıarlaýdy tapsyramyn», - dedi Q. Toqaev.

Osy oraıda Prezıdent atalan baǵdarlama kedendik ákimshilendirýdi jaqsartýdy, tehnıkalyq retteý jetildirýdi, sondaı-aq shekaradaǵy ózge de qadaǵalaýdy jaqsartýdy qamtýy kerektigin tapsyrdy.