Prezıdent shekara mańynan Marqakól men Katonqaraǵaı aýdandaryn qurý máselesin qozǵady

<p>Prezıdent Shyǵys Qazaqstan oblysynyń ákimi Ermek Kósherbaevty qabyldady, dep habarlaıdy <a href="https://kaz.inform.kz/" target="_blank" rel="noopener">Kazinform</a> Aqordaǵa silteme jasap.&nbsp;</p>

Memleket basshysyna oblystyń bıylǵy 11 aıdaǵy áleýmettik-ekonomıkalyq damý nátıjesi týraly málimet berildi.

Prezıdentke berilgen aqparatqa sáıkes, osy jyldyń qorytyndysy boıynsha Shyǵys Qazaqstan oblysynyń jalpy óńirlik ónimi 4,4 trln teńge bolady degen boljam jasalyp otyr.

Qazirgi tańda ınvestıtsııalyq jobalardyń jalpyulttyq quramyna aımaqtan quny 1,1 trln teńge bolatyn 42 joba kirgen.

Bıyl somasy 77 mıllıard teńgeni quraıtyn 8 joba júzege asyrylyp jatyr.

Óńirdiń agroónerkásip kesheninde 37 iri joba oryndalady. Olarǵa salynatyn ınvestıtsııa — 236,4 mlrd teńge.

Qazaqstanda alǵash ret jylyna 4 myń tonna suıyq letsıtın óndirý úshin kúnbaǵys tuqymyn tereń óńdeý ádisi engizilip jatyr.

Shaǵyn jáne orta bıznesti damytýǵa qolaıly jaǵdaı jasalýda. Atap aıtqanda, osy baǵyttaǵy jobalarǵa 22 mlrd teńge kóleminde qoldaý kórsetilgen.

Sonymen qatar Prezıdentke 2024 jyl oblysta Jol jyly dep jarııalanǵany týraly aıtyldy.

Jol jóndeýge jáne salýǵa bólinetin qarjyny eki ese ulǵaıtý josparlanyp otyr. Jalpy 600 shaqyrym joldy jáne kóshelerdi jóndeý josparlanǵan.

Prezıdenttiń tapsyrmasyn oryndaý maqsatynda Rıdder jylý elektr ortalyǵynda qalpyna keltirý jumystary júrgizildi. 6 qazandyq agregaty jóndeldi. Búginde Rıdder turǵyndary jylýmen qamtamasyz etilgen.

Budan bólek, kezdesýde shekara mańynan Marqakól jáne Katonqaraǵaı atty eki jańa aýdan qurý máselesine erekshe nazar aýdaryldy.

Kezdesý qorytyndysy boıynsha Qasym-Jomart Toqaev óńir halqynyń ómir súrý sapasyn arttyrý mańyzdy ekenin atap ótip, Shyǵys Qazaqstan oblysyn áleýmettik-ekonomıkalyq turǵyda odan ári damytýǵa qatysty birqatar mindet júktedi.