Prezıdent saılaýyn ótkizý - turaqtylyq úshin jasalǵan tarıhı sheshim - Nurǵısa Daýeshov

ALMATY. QazAqparat - Memleket basshysynyń kezekten tys Prezıdent saılaýyn ótkizý jónindegi sheshimi elimizdegi turaqtylyqty saqtap qalý úshin jáne beıbitshilik pen baqytty bolashaq úshin jasalǵan tarıhı sheshim. Qurmanǵazy atyndaǵy Qazaq memlekettik akademııalyq halyq aspaptary orkestriniń dırektory Nurǵısa Daýeshov osylaı pikir bildirdi, dep habarlaıdy QazAqparat.

«Elimiz Táýelsizdikke qol jetkizgen 28 jyl ishinde Tuńǵysh Prezıdentimiz - Elbasy Nursultan Ábishulynyń arqasynda elimizdiń ekonomıkasy men áleýmettik jaǵdaıy qarqyndap damydy, bilim men mádenıet salasy da zor tabystarǵa jetken biregeı turaqty memleket bolyp qalyptasty.

Nursultan Ábishuly Nazarbaevtyń Prezıdent laýazymynan óz erkimen bas tartyp, ókilettigin toqtatý jóninde sheshim qabyldaǵannan keıin, Qazaqstan Respýblıkasy Konstıtýtsııasynyń 48-babynyń 1-tarmaǵyna sáıkes, bul jaýapty mindetti Parlament Senatynyń tóraǵasy oryndaıdy. Ol osy qyzmetti jańa Prezıdent saılanǵanǵa deıin atqarady», - dedi Nurǵısa Daýeshov..

Ol QR Prezıdentiniń sheshimin qoldaıtynyn jetkizdi.

«Sol sebepti qazirgi ýaqyttaǵy Qazaqstan Respýblıkasynyń Prezıdenti Qasym-Jomart Toqaevtyń búgingi ıaǵnı 2019 jyldyń 9 sáýirindegi Qazaqstan halqyna úndeýinde aıtqan Prezıdent saılaýyn mezgilinen buryn ótkizý týraly sheshimin qoldaımyz.

Qasym-Jomart Toqaevtyń bul sheshimi elimizdegi turaqtylyqty saqtap qalý úshin jáne beıbitshilik pen baqytty bolashaq úshin jasalǵan tarıhı sheshim dep oılaımyn», - dedi Nurǵısa Daýeshov.





Foto: oraloniri.kz