Prezıdent saılaýyn myńǵa jýyq sheteldik baıqaýshy baqylaıdy
«EQYU/DIAQB baıqaýshylary mıssııasynyń basshysy Kornelııa Ionker keminde 400 baıqaýshyny jiberetindigin aıtyp otyr. TMD mısssııasy da óz baıqaýshylarynyń 400-ge jýyqtaıtyndyǵyn málimdedi», - dedi ol.
Sonymen qatar M.Sársembaevtyń sózine qaraǵanda, qazirgi ýaqytta OSK qyzmetkerleri shet memleketterdiń baıqaýshylarmen jumys isteýde, olardan qujattar kelýde.
«Bizdi josparymyzǵa sáıkes sheteldik baıqaýshylaryń sany myńǵa jaqyndap qalýy tıis», - dedi OSK múshesi.
Aıta keteıik, búgingi tańda 25 memleketten EQYU/DIAQB mıssııasynyń 48 baıqaýshy, 2 memleketten TMD mıssııasynyń 5 baıqaýshysy jáne shet memleketterden 30 baıqaýshy kezekten tys prezıdenttik saılaýǵa baıqaýshy retinde tirkeldi. Budan bólek, QR Syrtqy ister mınıstrliginde akkredıtatsııadan ótken 19 memleketten 98 buqaralyq aqparat quraldarynyń ókilderi de prezıdent saılaýyna sheteldik baıqaýshy retinde qatysa alady.