Prezıdent saılaýyn kezekten tys ótkizý daǵdarysqa qarsy sharalardy iske asyrýǵa jumyldyrýdyń sheshýshi sharty bolmaq - Qazaqstan jazýshylar odaǵy
«14 aqpanda Qazaqstan halqy Assambleıasynyń keńesi Prezıdent saılaýyn 2015 jyly kezekten tys ótkizý ıdeıasyn usyndy. Qazaqstan jazýshylar odaǵy shyǵarmashylyq zııaly qaýymnyń jetekshi birlestigi retinde osy taǵdyrsheshti másele boıynsha óz ustanymyn aıtýdy azamattyq boryshy dep sanaıdy. Qazirgi kúni álemdegi jaǵdaı turaqsyz. Álemdik qarjylyq-ekonomıkalyq daǵdarystyń jańa tolqyny etek alýda. Osynyń barlyǵyn biz teledıdar ekrandarynan kórip, gazet betterinen oqyp otyrmyz. Qazaqstan jahandyq ekonomıkanyń bir bóligi retinde álemdik daǵdarystyń salmaǵyn sezinýde. Sonymen qatar Qazaqstannyń daǵdarysqa qarsy naqty damý jospary bar. Bul Elbasynyń «Nurly jol» bastamasynda kórinis tapqan. Elimizde aýqymdy «Qazaqstan-2050» strategııasy, ındýstrıaldy- ınnovatsııalyq damý baǵdarlamasy júzege asyrylýda. Osyǵan baılanysty uzaqqa sozbaı ári qoǵamdy kóp kúttirmeı saılaý tsıklinen ótip alý óte mańydy dep esepteımiz. Sondyqtan biz prezıdent saılaýyn kezekten tys ótkizý ıdeıasyn tolyǵymen qoldaımyz. Bul barsha memlekettik organdardyń, Úkimet pen Parlamenttiń daǵdarysqa qarsy sharalardy iske asyrýǵa jumyldyrýy úshin sheshýshi shart bolmaq. Halqymyz árqashan sheshýshi sátterde óz Elbasynyń mańyna shoǵyrlanyp, kez kelgen syn-qaterlerge bir adamdaı qarsy turady.
Sondaı-aq saılaýdy elimiz úshin mańyzdy bolatyn Qazaqstan halqy Assambleıasynyń 20 jyldyǵy, Uly Otan soǵysyndaǵy Jeńistiń 70 jyldyǵy, Konstıtýtsııanyń 20 jyldyǵy, Qazaq handyǵynyń 550 jyldyǵy qarsańynda ótkizýdiń mańyzy zor dep sanaımyz. Máńgilik el ıdeıasymen birikken Qazaqstan barlyq synaqtardan súrinbeı ótedi dep senemiz. Otanymyz - QR árqashan órkendeı bersin!», - delingen N.Orazalın jarııa etken Qazaqstan jazýshylarynyń úndeýinde.