Prezıdent saılaýy: OSK oppozıtsııadan kandıdat Nurlan Áýesbaevti tirkedi

ASTANA. QazAqparat – Ortalyq saılaý komıssııasy prezıdenttikke altynshy úmitkerdi tirkedi, dep habarlaıdy QazAqparat tilshisi.

Ortalyq saılaý komıssııasynyń kezekti otyrysynda QR prezıdenttigine Jalpyulttyq sotsıal-demokratııalyq partııa usynǵan Nurlan Áýesbaevtiń kandıdatýrasyn tirkeý máselesi qaraldy.

OSK múshesi Sábılá Mustafınanyń aıtýynsha, aýmaqtyq saılaý komıssııalarynyń hattamalary QR prezıdenttigine kandıdatty qoldaýǵa senim bildirilgen adamdar Qazaqstannyń 15 óńirinen 120 908 azamattyń qoly jınalǵan.

«Olardyń 120 908-i túgel tekserilip, 119 197-si ras dep tanyldy. ıAǵnı qajetti qol tolyǵymen qamtamasyz etildi», - dedi OSK múshesi.

OSK músheleri úmitkerdiń kandıdatýrasyn qabyldaý týraly biraýyzdan sheshim qabyldady.

«Ortalyq saılaý komıssııasynyń apparatyna Nurlan Satybaldyuly Áýesbaevtiń QR prezıdenttigine kandıdat retinde tirkelgeni týraly málimetterdi Qazaqstan Halyq jınaq bankine arnaýly ýaqytsha shotty ashý úshin dereý jiberýdi jáne kandıdattyń tirkelgeni týraly habardy BAQ-ta jarııalaýdy qamtamasyz etýdi tapsyramyn. Osylaısha, Ortalyq saılaý komıssııasy Nurlan Satybaldyuly Áýesbaevti QR prezıdenttigine kandıdat retinde tirkedi», - dedi OSK tóraǵasy Nurlan Ábdirov.

Sondaı-aq búgin Saltanat Tursynbekova da prezıdent saılaýyna kandıdat retinde resmı tirkelgen bolatyn.