Prezıdent saılaýy: Qoǵamdyq saýalnama júrgizýge 2 uıym ótinish berdi

ASTANA. QazAqparat – Alda ótetin prezıdent saılaýynda qoǵamdyq saýalnama júrgizetin 2 uıym Ortalyq saılaý komıssııasyna qujattaryn tapsyrdy, dep habarlaıdy QazAqparat.

«7 qazanda Ortalyq saılaý komıssııasyna qoǵamdyq saýalnama júrgizý úshin «Qoǵamdyq pikir» zertteý ınstıtýty («Obşestvennoe mnenıe» zertteý ınstıtýty) men «AMANAT» partııasynyń «Qoǵamdyq saıasat ınstıtýty» jeke menshik mekemesinen ótinish tústi», - delingen QR OSK habarlamasynda.

Ortalyq saılaý komıssııasyna jiberiletin habarlamada saýalnama júrgizýge qatysatyn jáne osy salada jumys tájirıbesi bar mamandar týraly, qoǵamdyq pikirge saýalnama júrgiziletin óńirler týraly, qoldanylatyn taldaý ádisteri týraly málimetter kórsetiledi.

Sondaı-aq qoǵamdyq pikirge saýal júrgizý nátıjelerin, saılaý, saılaýǵa baılanysty ózge de zertteýler, kandıdattardy ne saıası partııalardy qoldap daýys berý nátıjeleriniń boljamdaryn daýys beriletin kúnniń aldyndaǵy bes kún ishinde jáne daýys beriletin kúni ınternet jelisinde jarııalaýǵa jol berilmeıtini habarlandy.