Prezıdent saılaýy: Qazaqstannyń 12 óńirinde daýys berý aıaqtaldy

NUR-SULTAN. QazAqparat - 9 maýsym kúni Nur-Sultan ýaqytymen 20:00-de Qazaqstannyń 12 óńirinde daýys berý aıaqtaldy, dep habarlaıdy «QazAqparat» HAA tilshisi.

Eldegi 17 óńirdiń 12-sinde daýys berý aıaqtaldy. Olar: Nur-Sultan, Almaty, Shymkent qalalary, Aqmola, Almaty, Shyǵys Qazaqstan, Jambyl, Qaraǵandy, Qostanaı, Pavlodar, Soltústik Qazaqstan, Túrkistan oblystary.

Qalǵan 5 óńirdegi saılaý ýchaskelerinde daýys berý Nur-Sultan ýaqytymen 21:00-de (Batys Qazaqstan ýaqytymen 20:00-de) aıaqtalady. Atalǵan óńirler: Aqtóbe, Atyraý, Batys Qazaqstan, Qyzylorda jáne Mańǵystaý oblystary.

Eske sala keteıik, Qazaqstanda kezekten tys Prezıdent saılaýy kúni saılaý ýchaskeleri jergilikti ýaqytpen 07:00-de ashylyp, 20:00-ge deıin jumys istedi. Daýys berý aıaqtalǵan óńirlerde, saılaý komıssııasy daýystardy sanaýǵa kirisedi.