Prezıdent saılaýy halqymyzdyń birligin nyǵaıtatyn úlken saıası naýqan bolýy tıis
«QR Prezıdenti Qasym-Jomart Toqaevtyń 9 maýsymda kezekten tys prezıdenttik saılaý ótkizý týraly sheshimi der ýaqytynda, elimizdiń Konstıtýtsııasyna saı qabyldanyp otyr. Aldymyzda turǵan Prezıdent saılaýy halqymyzdyń, elimizdiń birligin, yntymaǵyn nyǵaıtýǵa baǵyttalǵan úlken saıası naýqan bolýy tıis. Táýelsiz, demokratııalyq memlekettiń azamaty bolǵannan keıin bárimiz belsene qatysyp, jańa prezıdentimizdi saılap, Tuńǵysh Prezıdentimiz - Elbasy Nursultan Nazarbaev bastaǵan úlken baǵytty odan ary iske asyrý jolynda eńbek etýge tıispiz», - dedi Sultan Qalıev.
Aıta keteıik, keshe Memleket basshysy Qasym-Jomart Toqaev otandyq telearnalar arqyly Qazaqstan halqyna úndeý arnap, onda elimizdiń Konstıtýtsııasyna sáıkes Qazaqstan Respýblıkasy Prezıdentiniń kezekten tys saılaýyn 2019 jyldyń 9 maýsymynda ótkizý týraly sheshim qabyldaǵanyn jarııalaǵan bolatyn.
«Qazaqstan - demokratııalyq memleket. Prezıdent halyqtyń tańdaýymen saılanady. Men, Memleket basshysy retinde, saılaýdyń taza, ashyq ári ádil ótýine kepildik beremin! Bul - meniń berik ustanymym! Aldymyzda zor mindetter tur. Men halqymyzǵa, ıaǵnı Sizderge senemin», - degen edi Q.Toqaev.
Foto: mgko.kz