Prezıdent saılaýy: H.Qoja-Ahmetke qol qoıý paraqtary beriledi

ASTANA. QazAqparat - Búgin QR Ortalyq saılaý komıssııasynyń otyrysy ótip, onda Hasen Qoja-Ahmetke Qazaqstan Respýblıkasynyń Prezıdenttigine kandıdattyǵyn qoldap qol jınaý úshin qol qoıý paraqtaryn berý týraly qaýly qabyldandy.

«Qazaqstan Respýblıkasynyń Prezıdenttigine kandıdat Hasen Kárimjanuly Qoja-Ahmettiń Qazaqstan Respýblıkasynyń Konstıtýtsııasynda jáne «Qazaqstan Respýblıkasyndaǵy Saılaý týraly» konstıtýtsııalyq zańynda qoıylatyn talaptarǵa sáıkestigin belgileý týraly qaýly jobasyn usynyp otyrmyn. Qaýly boıynsha, birinshiden, Qazaqstan Respýblıkasynyń Prezıdenttigine úmitker Hasen Kárimjanuly Qoja-Ahmet Qazaqstan Respýblıkasy Konstıtýtsııasynyń jáne «Qazaqstan Respýblıkasyndaǵy Saılaý týraly» zańnyń talaptaryna sáıkes dep belgilensin. Ekinshiden, Hasen Kárimjanuly Qoja-Ahmetke Qazaqstan Respýblıkasynyń Prezıdenttigine kandıdattyǵyn qoldap qol jınaý úshin qol qoıý paraqtary berilsin», - dedi qaýly jobasyn tanystyrǵan QR OSK hatshysy Baqyt Meldeshev.

QR OSK músheleri bul usynysty biraýyzdan qoldady.