Prezıdent saılaýy: Elordalyqtar 304 saılaý ýchaskesinde daýys bere alady
«Elordada 304 saılaý ýchaskesi tirkelgen. Onyń 239-y qala ishinde. 65-i shetelderdegi ókildikterde, elshilikter men konsýldyqtarda. Sheteldegi saılaý ýchaskelerimen Syrtqy ister mınıstri aınalysady. Jalpy, bizdiń esebimiz boıynsha Nur-Sultanda 600 myńǵa jýyq daýys berýshi bolady. Biraq, bul naqty san emes. Saılaý kúni qarsańynda naqty qansha elordalyqtyń daýys bere alatyny jaıly qosymsha aqparat beremiz», - deıdi Nur-Sultan qalasy ákimi apparaty basshysynyń orynbasary Azamat Ahmedjanov.
Bul týraly ol QR Prezıdentiniń kezekten tys saılaýyn uıymdastyrý jáne elordanyń saılaý ýchaskelerinde azamattardy tirkeýdi ótkizý máseleleri jónindegi qalalyq ákimdikte ótken brıfıngte aıtty.
Onyń aıtýynsha, shetelderde Qazaqstannyń dıplomatııalyq elshilikteri men ókildikteri bar. ıAǵnı, shetelde júrgen elordalyqtar nemese qazaqstandyqtar sol ókildikter arqyly Prezıdent saılaýynda daýys berýge qatysa alady.
Saılaýshylardyń tizimin naqtylaý jáne ózektendirý maqsatynda Nur-Sultan qalasynyń ákimdigi birshama joldardy qarastyryp otyr.
Atap aıtqanda, saılaýshy óziniń saılaý ýchaskesi týraly málimetterdi bilý úshin IKomek biryńǵaı baılanys ortalyǵynyń 109 telefonyna habarlasa alady (24/7 rejiminde). Sol sekildi Smart Astana mobıldik qosymshasy arqyly da ózińizdiń saılaý ýchaskeńiz qaıda ekenin bile alasyz. Sol sekildi, aqparat alý úshin Telegram áleýmettik jelisindegi @smartastana_bot chat-botyna tirkelýge bolady. Bul qyzmetter búginnen bastap jumysyn bastaıdy.
«18 sáýirden bastap mekenjaı derekterin (kóshesi, úıi) engizý arqyly qalanyń elektrondyq kartasynda saılaý ýchaskelerin kórýge bolatyn maps.astana.kz geoportalynan aqparat alýǵa bolady. Al 24 sáýirden bastap Whatsapp messenger jáne Instagram áleýmettik jelisinde qyzmetter iske qosylady. Azamatty naqty saılaý ýchaskesinde saılaýshylar tizimine engizý úshin onyń osy saılaý ýchaskesiniń aýmaǵyndaǵy turǵylyqty jeri boıynsha tirkelý faktisi negiz bolyp tabylady. Mekenjaılyq aqparatty tirkeý, túzetý jáne tekserý úshin egov.kz elektrondyq úkimet portalyna, «Azamattyq, mıgratsııa jáne ımmıgratsııa», «Halyqty tirkeý jáne tirkeý esebinen alyp tastaý» bólimine nemese «Azamattarǵa arnalǵan úkimet» memlekettik korporatsııasyna habarlasýǵa bolady», - deıdi Azamat Ahmedjanov.