Prezıdent saılaýy: Baqyt Jańabaev memlekettik tilden emtıhan tapsyrdy
«Qazaqstan Respýblıkasynyń Prezıdenttigine kandıdat Baqyt Jańabaev ár tapsyrma boıynsha taqyryptardy ózi tańdady. Birinshi, jazba tapsyrmada «Ekologııa – búginniń basty máselesi», ekinshi, aýyzsha oqý tapsyrmasynda Mirjaqyp Dýlatovtyń «Oıan, qazaq!» shyǵarmasynan úzindi oqydy. Úshinshi, jurt aldynda sóıleý tapsyrmasy «Babalar amanaty» taqyrybyna óz oıyn bildirdi. Nátıjesi boıynsha oıyn erkin jetkize alady, mátin mazmunyn túsinikti jetkizdi, taqyryp ıdeıasy ashyldy. Biraq emle qateleri boldy. Osyǵan sáıkes, lıngvıstıkalyq komısssııa Baqyt Jańabaevtyń memlekettik tildi meńgergenin daýysqa salǵanda, komıssııanyń 1 múshesi qalys qaldy, 5 múshesi qoldady. Nátıjesinde QR Prezıdenttigine kandıdat Baqyt Jańabaev memlekettik tildi meńgergen delingen qorytyndy jasaldy», - dep emtıhan qorytyndysyn jarııalady lıngvıstıkalyq komıssııanyń tóraǵasy Ádil Ahmetov.
Eske salaıyq, Baqyt Jańabaev úmitkerlerdi tirkeýdiń sońǵy sátinde qujat tapsyrǵan bolatyn. Onyń kandıdatýrasyn «Qazaqstan áýesqoı fýtbolshylarynyń» qoǵamdyq birlestigi usynǵan.
Foto: press-slýjba KG RK