Prezıdent saılaýy: A.Ótepova memlekettik tildi erkin meńgergendigin dáleldeý úshin OSK-ge kelmedi

ASTANA. QazAqparat - Búgin QR Prezıdenttigine kandıdattardyń memlekettik tildi erkin meńgergendigin anyqtaý jónindegi lıngvıstıkalyq komıssııaǵa prezıdenttikke ózin-ózi usynǵan Aıgúl Ótepova synaq tapsyrý úshin kelmedi.

1970 jyly Shymkent qalasynda dúnıege kelgen ol búgin tańerteń 10-00-de Ortalyq saılaý komıssııasyna kelip, memlekettik tildi erkin meńgergendigin dáleldeýi tıis bolatyn. Biraq, ol synaqqa kelmedi. Sondyqtan dál osy ýaqytta OSK-ge kelgen taǵy bir úmitker Serik Muqashev memlekettik tilden synaq tapsyrýǵa kelisim berdi. Bul úmitker saǵat 15-00-de synaq tapsyrýy tıis bolatyn.

Serik Tasqarauly Muqash 1950 jyly Aqmola oblysynda dúnıege kelgen. Bilimi - joǵary. Qazirgi ýaqytta Şýche qalasynda turady. «Ekologııalyq turaqtylyq» qoǵamdyq qory basqarmasynyń tóraǵasy.