Prezıdent Saýda jáne ıntegratsııa mınıstrine tapsyrmalar berdi

NUR-SULTAN. QazAqparat – Jańadan qurylǵan Saýda jáne ıntegratsııa mınıstrligi tıimdi saýda saıasatyn qurýy tıis. Bul týraly QR Prezıdenti Qasym-Jomart Toqaev málimdedi, dep habarlaıdy QazAqparat tilshisi.

«Biz jańadan Saýda jáne ıntegratsııa mınıstrligin qurdyq. Jańa vedomstvo saýda saıasatyn qurýdy júıeli jáne ratsıonaldy turǵyda qolǵa alyp, otandyq eksportty damytý boıynsha tıimdi sharalar keshenin ázirleýi tıis. Ótkizý naryǵyn keńeıtýi kerek. Ásirese, ıntegratsııalyq úrdiste mámile jasaý pozıtsııalaryn kúsheıtý qajet. Bul mindetterdi mınıstr Baqyt Sultanovqa tapsyramyn. Ótkizý naryǵyn keńeıtpesek, sapaly ınvestorlar bizge kelmeıdi. Men Úkimetten, ásirese jańa mınıstrlikten naqty usynystar men nátıje kútemin», - dedi Prezıdent Úkimettiń keńeıtilgen otyrysynda.

Aıta keteıik, elordada QR Prezıdenti Qasym-Jomart Toqaevtyń tóraǵalyǵymen Úkimettiń keńeıtilgen otyrysy ótip jatyr. Jıynǵa Úkimet músheleri, Astana, Almaty jáne Shymkent qalalary men oblystardyń ákimderi, ortalyq memlekettik organdar men mınıstrlikterdiń basshylary qatysýda.