Prezıdent Saýd Arabııasy ınvestorlaryna Transkaspıı baǵdaryn ártaraptandyrýdy usyndy
16:24, 24 Shilde 2022
NUR-SULTAN. QazAqparat - Memleket basshysy Qasym-Jomart Toqaev Saýd Arabııasyna resmı sapary aıasynda yntymaqtastyqty keńeıtýdiń meılinshe perspektıvti salalaryn belgilep berdi. Eń aldymen, bul ekijaqty saýda-sattyqqa qatysty, dep habarlaıdy Aqordanyń baspasóz qyzmeti.
– Biz júrgizgen taldaýǵa sáıkes Qazaqstan mashına jasaý, shoıyn jáne bolat óndirisi, sondaı-aq tamaq ónerkásibi men aýyl sharýashylyǵy sııaqty salalar boıynsha quny shamamen jylyna 400 mıllıon dollar bolatyn shıkizat taýarlarynyń 100-den astam túrin usyna alady, –dedi Prezıdent.
Qasym-Jomart Toqaev Qytaı, Qazaqstan, Ázerbaıjan, Grýzııa jáne Túrkııa arasyn jalǵastyratyn kólik-tranzıt jáne logıstıkalyq múmkindikterdi, sonyń ishinde Transkaspıı baǵdaryn ártaraptandyrýdy jáne keńeıtýdi ekinshi mańyzdy baǵyt retinde atap ótti.