Prezıdent Sany Group Co. Ltd Dırektorlar keńesiniń tóraǵasy Sıan Venbony qabyldady

<p>BEIJІŃ. KAZINFORM &ndash; Kezdesý barysynda Qasym-Jomart Toqaev pen Sıan Venbo &laquo;jasyl&raquo; energetıka salasyndaǵy birlesken jobalardy júzege asyrý máselelerin talqylady.</p>

Korporatsııa Qazaqstanda jalpy qýaty 1GVt jel elektr stantsııasyn salý jobasyn júzege asyrýǵa qatysyp jatyr jáne jańartylatyn energııa kózderine arnalǵan munara, qalaq jáne gondola qurastyratyn zaýyt salý múmkindigin qarastyrýda.

Memleket basshysy Qazaqstannyń Sany Group Co. Ltd kompanııasymen aradaǵy yqpaldastyqty odan ári nyǵaıtýǵa múddeli ekenine nazar aýdardy. Atap aıtqanda, elimizde arnaýly tehnıkalar, sondaı-aq olardyń qosalqy bólshekterin shyǵaratyn birlesken óndiristi jolǵa qoıý perspektıvti sanalady.

Osy rette Qytaı kompanııasyna Qazaqstanda aımaqtyq R&D ortalyǵyn ashý múmkindigin qarastyrý usynyldy. Bul ortalyq kompanııanyń EAEO naryǵyndaǵy qyzmetin ilgeriletýge septigin tıgizedi.

Kezdesý sońynda Qasym-Jomart Toqaev Sıan Venbony bıyl elimizde ótetin Astana halyqaralyq forýmyna qatysýǵa shaqyrdy.