Prezıdent «Samuryq-Qazyna» aktsıonerlik qoǵamynyń basqarma tóraǵasy Nurlan Jaqypovty qabyldady

<p>ASTANA. KAZINFORM &ndash;&nbsp;<strong>Memleket basshysy &laquo;Samuryq-Qazyna&raquo; aktsıonerlik qoǵamynyń basqarma tóraǵasy Nurlan Jaqypovty qabyldady</strong><strong>, dep habarlaıdy Aqordanyń baspasóz qyzmeti.</strong></p>

Nurlan Jaqypov qordyń bıylǵy birinshi jartyjyldyqtaǵy qyzmetiniń negizgi qorytyndylary jáne aldaǵy jumystarynyń josparyn tanystyrdy. Onyń aıtýynsha, basty óndiristik kórsetkishter josparǵa sáıkes atqarylyp otyr. Qordyń kirisi 7,9 trıllıon teńge boldy. Bul belgilengen jospardan 7 paıyzǵa artyq.
Qor tikeleı sheteldik ınvestıtsııanyń katalızatoryna aınaldy.

Sonymen qatar munaı-gaz hımııasy, energetıka, kólik jáne logıstıka, mashına jasaý, tsıfrlandyrý salalaryndaǵy jobalarǵa sheteldik seriktesterimen birlesip ınvestıtsııa quıady. «Samuryq-Qazyna» tobynyń ınvestıtsııalyq portfelinde jalpy somasy 53,5 trıllıon teńge bolatyn 130-dan astam joba bar ekenin baıandady. Munaı-gaz, munaı hımııasy, energetıka, logıstıka salalarynda jáne taý-ken ónerkásibinde júzege asyrylatyn jobalar el ekonomıkasyna mýltıplıkatıvti áser etedi dep josparlanǵan.

Qordyń bıznestiń áleýmettik jaýapkershiligi aıasyndaǵy qaıyrymdylyq jobalary týraly málimet berdi. Jyl sońyna deıin elimizde 40 ońaltý ortalyǵyn ashý josparlanyp otyr.

Memleket basshysy ınvestıtsııalyq jáne áleýmettik jobalardy júzege asyrý, sondaı-aq Qor jumysyn odan ári jetildirý jóninde naqty tapsyrma berdi.