Prezıdent is basqarmasy medortalyǵynyń mamandary Mańǵystaý oblysyna barady

<p>6-10 qarashada Mańǵystaý oblysynda Prezıdent is basqarmasy medıtsına ortalyǵyń kúnderi ótedi. Sapardyń negizgi maqsaty &ndash; densaýlyq saqtaý salasyndaǵy jańa medıtsınalyq tehnologııalardy óńirlik medıtsına mekemelerine engizý, aýrýlardy aldyn alýda, dıagnostıkalaýda jáne emdeýde qoldanylatyn zamanaýı ádisterdi bólisý, sondaı-aq ǵylymı-klınıkalyq yntymaqtastyqty arttyrý, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

JCI, ISO, GLP, GMP halyqaralyq standarttarymen akkredıttelgen medıtsınalyq ortalyq aýrýhanalarynyń bilikti mamandary, onyń ishinde neırohırýrg, travmatolog, ýrolog jáne taǵy da basqalar aımaqtyń emdeý mekemelerinde sheberlik klastaryn ótkizip, halyqqa praktıkalyq jáne konsýltatsııalyq-ádistemelik kómek kórsetip, kúrdeli operatsııalar jasaıdy.

Foto: Prezıdent is basqarmasynyń medıtsına ortalyǵy

Dárigerler myna kúnderi Mańǵystaý oblystyq kópsalaly aýrýhanasynda naýqastardy qabyldaıdy: 

- 6 qarashada Sáken Moldaǵalıev - joǵary sanatty ortoped-travmatolog dáriger saǵat 10:00-den 12:00-ge deıin konsýltatsııa ótkizedi;

- 7 qarasha sol aýrýhanada Myńjylqy Berdiqojaev - joǵary sanatty neırohırýrg dáriger saǵat 14:00-den 18:00-ge deıin patsıentterdi qabyldaıdy;

- 8 qarasha saǵat 09:00-den 12:00 aralyǵynda Sharafýddın Azızov - joǵary sanatty ýrolog dárigeri konsýltatsııa júrgizedi.

Foto: Prezıdent is basqarmasynyń medıtsına ortalyǵy

Sonymen qatar, medıtsına ortalyǵynyń basqa vedomstvolyq qarasty uıymdary – medıtsınalyq tehnologııalar jáne aqparattyq júıeler ortalyǵy, «Oqjetpes» emdeý-saýyqtyrý kesheni, Sanıtarııalyq-epıdemıologııalyq saraptama ortalyǵy qyzmetkerleri de óz baǵyttary boıynsha oqytý sharalary men sheberlik sabaqtaryn ótkizedi.

Foto: Prezıdent is basqarmasynyń medıtsına ortalyǵy

Sapar barysynda QR Prezıdenti Іs basqarmasynyń medıtsına ortalyǵy men Mańǵystaý oblysynyń ákimdigi arasynda ózara yntymaqtastyq týraly memorandýmǵa qol qoıý josparlanyp otyr.

Medıtsınalyq ortalyqtyń bul bastamasy tehnologııalar transfertin iske asyrýǵa jáne óńirdegi dárigerlerdi oqytyp, olardyń biliktiligin arttyrýǵa, sondaı-aq densaýlyq saqtaý júıesin damytý arqyly otandyq medıtsınanyń sapasyn jaqsartýǵa, halyqqa joǵary mamandandyrylǵan kómektiń qoljetimdiligin arttyrýǵa múmkindik beredi.

Foto: Prezıdent is basqarmasynyń medıtsına ortalyǵy

Osyǵan deıin medıtsına ortalyǵynyń delegatsııasy Aqtóbe, Aqmola, Shyǵys Qazaqstan, Atyraý, Qostanaı, Jambyl oblystary jáne Shymkent qalasynda bolyp qaıtty.

Foto: Prezıdent is basqarmasynyń medıtsına ortalyǵy

Foto: Prezıdent is basqarmasynyń medıtsına ortalyǵy