Prezıdent Іs basqarmasynyń qyzmetkerleri voleıboldan ózara myqtyny anyqtady
Jarysqa Medıtsınalyq ortalyq, Materıaldyq-tehnıkalyq qamtamasyz etý basqarmasy, Memlekettik rezıdentsııalar dırektsııasy, QR Prezıdentiniń Ákimshiligi men Úkimetiniń ákimshilik ǵımarattary dırektsııasy, Avtosharýashylyq, Injenerlik-tehnıkalyq ortalyq, «Búrkit» avıakompanııasy, «Býrabaı Damý» kásiporny, Materıaldyq-tehnıkalyq qamtamasyz etý basqarmasynyń avtosharýashylyǵy, Qazqurylysjúıesi, QR Prezıdentiniń Teleradıokesheni, Іs Basqarmasynyń ortalyq apparaty, sondaı-aq jarys qonaǵy retinde shaqyrylǵan Parlament apparaty qyzmetkerlerin qosa alǵanda barlyǵy 13 komanda qatysty.
Ár komanda sapynda eń kóbi 10 oıynshy óner kórsetti. Komanda quramynda mindetti túrde 1 názik jandy, sondaı-aq jasy 45-ten asqan 1 egde oıynshynyń bolýy mindettelgenin de aıta keteıik.
Alǵashqy irikteý kezeńderinde komandalar eki topqa bólinip, árqaısynyń myqtylary anyqtady. Osy eki toptan sýyrylyp shyqqan tórttik júldeli oryndarǵa talasty.
Jarys qorytyndysy boıynsha, QR Prezıdentiniń Ákimshiligi men Úkimetiniń ákimshilik ǵımarattary dırektsııasy bas báıgeni jeńip aldy. Ekinshi oryn Medıtsınalyq ortalyq mamandarynan quralǵan komandaǵa buıyrdy. Avtosharýashylyq ujymy júldeli úshinshi oryndy ıelendi.
Sheberligimen kózge túsken jekeleı oıynshylar da nazardan tys qalǵan joq. Mıras Týlıakov «Úzdik shabýylshy» atansa (QR PІB Avtosharýashylyǵy), Vladımır Tabýnşık «Úzdik pleımeıker» (Qazqurylysjúıesi) dep tanyldy. Erler arasynda Nurjan Nurǵazıev «Úzdik oıynshy» (Ákimshilik ǵımarattar dırektsııasy), názik jandar arasynda Alına Shefer «Úzdik oıynshy» (Medortalyq) atandy. Búgin ǵana 55 jasqa qadam basqan QR PІB qyzmetkeri Rahat Bekqadamov «Úzdik ardager oıynshy» atalymymen mararattaldy. Jeńimpaz ben júldeger komandalarǵa, sondaı-aq sheber oıynshylarǵa tıisti dıplomdar men estelik syılyqtar tapsyryldy.
Jyl saıynǵy dástúrli spartakıada aıasynda buǵan deıin toǵyzqumalaq, ústel tennısi, shaǵyn fýtbol, qazaq kúresi, bılıardtan jarys ótkenin aıta keteıik. Jyl basynan beri jalǵasyp kelgen doda voleıbolmen túıindelip otyr. Jalpy esepte jeńimpaz atanǵan jáne júldeger bolǵan komandalardy alda marapattaý saltanaty kútip tur.