Prezıdent Іs basqarmasy jyldy qorytyndylady
«Memleket basshysynyń óńirler men shetelderge sapary, mártebeli meımandardy kútip alý syndy 250-den astam mańyzdy is-sharany uıymdastyrýǵa atsalystyq. Іshki bıznes-protsester transformatsııasy jalǵasyn tapty. Áleýmettik qoldaýǵa, qyzmetkerlerdiń alańsyz eńbek etýine barynsha qolaıly jaǵdaı jasaýǵa, korporatıvtik mádenıetti damytýǵa basa kóńil bólindi. 2023 jyly tsıfrlandyrýdyń arqasynda jumys ońtaılanyp, tutas qurylymdaǵy protsester ortaq arnaǵa túsip, ashyqtyq artty. „Qyzmetkerdiń tsıfrly profıli“ jobasy qolǵa alyndy, ahýaldy saraptaý kesheni aıtarlyqtaı jetildirildi. Sonymen qatar, „Smart Burabay“ júıesiniń úshinshi kezeńi aıaqtaldy. Onyń aıasynda kýrort aımaǵynda qosymsha 3 baqylaý kamerasy qoıyldy, qorshaǵan ortaǵa monıtorıng jasaıtyn qurylǵylar ornatyldy. Erekshe qorǵalatyn tabıǵı aýmaqty paıdalanǵany úshin tólem jasaýdyń ashyqtyǵyn qamtamasyz etip, sybaılas jemqorlyq qaýpin azaıtý úshin 5 baqylaý-ótkizý beketi avtomattandyryldy», — dep jazdy Prezıdent Іs basqarýshysy Telegram paraqshasynda.
Parlamentarızm ınstıtýty Májilispen jáne Senatpen birlesip, elimizdiń zań shyǵarý júıesin damytý jolynda jemisti jumys atqardy.
34 zań jobasynyń ázirlenýi, 68 zań jobasyna saraptama jasalýy — osynyń aıqyn kórinisi.
«Búrkit» avıakompanııasynyń qyzmetkerleri Túrkııa, Aýǵanstan jáne Palestınadaǵy gýmanıtarlyq mıssııalarǵa belsene atsalysty.
Jyl boıy Medortalyqqa qarasty mekemeler «Óńirdegi» kúnder» aıasynda jer-jerdegi halyqqa praktıkalyq jáne konsýltatsııalyq kómek berip, kúrdeli operatsııalar jasady.
Oblystardaǵy áriptesterine sheberlik sabaqtaryn ótkizdi, jańa tehnologııalar transfertimen aınalysty.
ıAdrolyq medıtsına ortalyǵy onkologııalyq dertti erte ári dál dıagnostıkalaýǵa qoldanylatyn 4 radıofarmpreparat shyǵara bastady. Shıpajaılarǵa kelgen adam sany 30 myńǵa jýyqtap, keıingi 10 jyldaǵy eń joǵary kórsetkish tirkeldi.
«Búgin ǵana Sanıtarııalyq-epıdemıologııalyq saraptama ortalyǵynyń jańa ǵımaraty ashylǵanyn, oǵan Memleket basshysy Qasym-Jomart Kemeluly barǵanyn atap ótken jón. Bul ortalyqtyń 6 zerthanasynda júrgiziletin zertteýlerdiń aýqymy anaǵurlym keńeıedi, jyldam ári dál saraptama jasaýǵa qol jetkiziledi. Prezıdenttiń tikeleı tapsyrmasy boıynsha qazaqy ıt tuqymdary — tazy men tóbetti saqtaý jáne kóbeıtý isi jolǵa qoıylyp, Qazaqstan kınologtary odaǵy FCI-dyń tolyqqandy músheligine qabyldanýyn da tabysty jobalardyń biri dep sanaımyn. Qoryta aıtqanda, atqarylǵan jumys az emes. Prezıdent Іs basqarmasy júıesindegi barlyq mekemeler, barsha qyzmetkerler jemisti eńbek etti. Jyldy jaqsy kórsetkishtermen túıindeýge Sizderdiń árqaısyńyz qomaqty úles qostyńyzdar. Sol úshin shynaıy rızashylyǵymdy bildiremin! Keler jyly budan da aýqymdy josparlardy iske asyryp, joǵary nátıjelerge qol jetkizetinimizge senimdimin. Jańa jylda barshańyzǵa myqty densaýlyq, tolaǵaı tabys, ár shańyraqqa sarqylmas qýanysh pen ortaımas yrys-nesibe tileımin. 2024 jyl jaqsylyqtyń jarshysy bolsyn», — dep túıindedi Aıbek Dádebaev.