Prezıdent Іs basqarmasy medıtsına ortalyǵynyń qyzmetkerlerine qurmet kórsetildi
Medıtsınalyq ortalyq júıesiniń ujymyn QR Prezıdenti Іs basqarýshysynyń orynbasary Rýstam Baıalıev pen QR PІB Medıtsınalyq ortalyǵynyń basshysy Alekseı Tsoı quttyqtap, túrli marapattardy tapsyrdy.
Іs-shara Rýstam Baıalıevtiń quttyqtaý sózimen ashyldy. Ol qyzmetkerlerdiń ortalyqty ǵana emes, Qazaqstannyń densaýlyq saqtaý júıesin damytýǵa qosyp júrgen zor úlesin atap ótti.
Rýstam Baıalıev óz sózinde jyl saıyn Medortalyq klınıkalarynda 29 myńnan astam patsıent emdeletinin jáne 12 myń ota jasalatynyn aıtty.
Shıpajaılarda 28 myńnan astam adam ońaltýdan ótetinin, al Sanıtarlyq-epıdemıologııalyq saraptama ortalyǵynda 800 myń zerthanalyq zertteý júrgiziletinin jetkizdi.
«Sizder Qazaqstan Respýblıkasy Prezıdenti Іs basqarmasy Medıtsınalyq ortalyǵy qurylǵannan bastap osy salanyń flagmany bolyp sanalatyn júıede jumys isteısizder. Sizder jaı ǵana beıindik qyzmet kórsetip qana qoımaı, óz tájirıbelerińizdi búkil elge jáne jaqyn shetelge taratatyn ınnovatsııalyq, ozyq alańǵa aınaldyńyzdar. Sizderdiń kásibılikterińiz joǵary tehnologııalyq jabdyqtardyń kómegimen bizdiń kásiporyndarymyzǵa medıtsına salasynyń kóshbasshysy bolýǵa múmkindik beredi. Alda kóptegen bastamalar men jetistikter turǵanynya senimim mol! Sizderge eren eńbekterińiz, Gıppokrat antyna adaldyqtaryńyz úshin shyn júrekten rızashylyǵymdy bildiremin», - dedi R. Baıalıev.
Іs basqarýshynyń orynbasary medıtsına qyzmetkerlerine laıyqty marapattar tabystady. QR PІB Medıtsınalyq ortalyǵy aýrýhanasynyń akýsher-gınekologııalyq bólimshesiniń akýsheri Ásemgúl Jaqanova QR Densaýlyq saqtaý mınıstrliginiń «Eńbek ardageri» medaline ıe boldy.
Aýrýhananyń klınıkalyq-dıagnostıkalyq zerthanasynyń aǵa dárigeri Janar Ybraeva «Densaýlyq saqtaý isine qosqan úlesi úshin» tósbelgisimen marapattaldy. Allergologııa bóliminiń basshysy Ǵalııa Túsipbekovaǵa jáne ýchaskelik dáriger Latıpa Ahmetjanovaǵa «Densaýlyq saqtaý isiniń úzdigi» tósbelgisi tapsyryldy.
Sondaı-aq, aýrýhananyń kúndizgi stantsıonar bólimshesiniń meńgerýshisi Aqerke Smaıylova, dárihana meńgerýshisi Gúlsim Jumanova, ekstrakorporaldyq gemokorrektsııa bólimshesiniń meńgerýshisi Ǵanı Orazbaev Densaýlyq saqtaý mınıstrligi men QR Prezıdenti Іs basqarýshysynyń «Qurmet gramotasyna» ıe boldy.
Taǵy 7 qyzmetker Densaýlyq saqtaý mınıstrliginiń jáne QR Prezıdenti Іs basqarýshysynyń Alǵys hatymen marapattaldy.
Sonymen qatar, Medıtsınalyq ortalyq júıesiniń 7 qyzmetkerine Alekseı Tsoı vedomstvolyq nagradalar tabys etti.
Ol qyzmetkerlerdi quttyqtap, barsha ujymǵa shynaıy tilegi men alǵysyn jetkizdi.
«Jyl boıy bizdiń qyzmetkerler belsendi jumys istedi, bul mereke olardyń qajyrly eńbeginiń taǵy bir nátıjesi bolyp tabylady. Biz azamattardyń densaýlyǵyq saqtaý jyl saıyn kásibıligin arttyratyn saýatty mamandarǵa tikeleı baılanysty ekenin bilemiz. Qurmetti medıtsına mamandary, sizder elimizdiń densaýlyq saqtaý júıesiniń damýy ózderińizdiń eńbekterińizge baılanysty. Sizderge qyzmetterińiz úshin myń alǵys»,- dep atap ótti Medıtsınalyq ortalyq basshysy.