Prezıdent is basqarmasy qyzmetkerleri toǵyzqumalaq oınap jarysty

<p><strong style="padding: 0px; margin: 0px; font-size: 18px; font-family: sans-serif;">Búgin elordada QR Prezıdentiniń Іs basqarmasy men baǵynysty uıymdary qyzmetkerleriniń arasynda toǵyzqumalaqtan jarys ótti, dep habarlaıdy QazAqparat.&nbsp;</strong></p>

Salaýatty ómir salty men belsendi demalysty nasıhattaý úshin jyl saıyn uıymdastyrylatyn dástúrli spartakıada aıasyndaǵy týrnırde árqaısysy eki oıynshydan jasaqtalǵan 10 komanda baq synady.

Tartysty básekede QR Prezıdenti Іs basqarmasy ortalyq apparatynyń qyzmetkerlerinen jasaqtalǵan komanda bas báıgeni jeńip aldy. Alma Saǵıjanqyzy men Erlan Ámirǵalıev qarsylas shaq keltirmedi.

QR PІB Medıtsınalyq ortalyǵynyń namysyn qorǵaǵan Erik Ábdirahmanov pen Ádilhan Aqdáýletov ekinshi oryndy ıelendi. Júldeli úshinshi oryndy Eljas Júsip pen Merýert Bekisheva oınaǵan ákimshilik ǵımarattar dırektsııasynyń komandasy jeńip aldy.

Aqtyq synda joldary túıisken Erik Ábdirahmanov pen Erlan Ámirǵalıevtiń kezdesýi týrnırdiń eń tartymdy oıyny dep tanylǵanyn aıta keteıik.

Al jeńimpaz komanda sapyndaǵy Alma Saǵıjanqyzy «Úzdik oıynshy» atandy. Jeńimpazdar men júldegerlerge arnaıy kýbok pen medaldar, tıisti dıplomdar men sertıfıkattar tapsyryldy.

Ulttyq oıyn túrinen baq synaǵan Materıaldyq-tehnıkalyq qamtamasyz etý basqarmasynyń, Memlekettik rezıdentsııalar dırektsııasynyń, Prezıdent Teleradıokesheniniń, Avtosharýashylyq RMK, «Búrkit» memlekettik avıakompanııasy, Injenerlik-tehnıkalyq ortalyq jáne «Býrabaı-Damý» kásipornynyń qyzmetkerlerinen jasaqtalǵan komandalar laıyqty óner kórsetti.