Prezıdent is basqarmasy qyzmetkerleri arasynda toǵyzqumalaq oıynynan týrnır bastaldy
Ulystyń Uly kúni – Naýryz meıramy aıasynda uıymdastyrylyp jatqan jarysqa QR Prezıdenti Іs basqarmasynyń, Medıtsınalyq ortalyqtyń, Materıaldyq-tehnıkalyq qamtamasyz etý basqarmasynyń, Memlekettik rezıdentsııalar dırektsııasynyń, Prezıdenttik ortalyqtyń, QR Prezıdenti Ákimshiligi men Úkimetiniń ákimshilik ǵımarattary dırektsııasynyń, Avtosharýashylyqtyń, «Búrkit» memlekettik avıakompanııasynyń, Injenerlik-tehnıkalyq ortalyqtyń, Prezıdent Teleradıokesheniniń komandalary jarysqa qatysyp jatyr.
«Búgin toǵyzqumalaq boıynsha dástúrli týrnırimizdi ótkizip jatyrmyz. Toǵyzqumalaq óte qyzyqty ári tereń oılaýdy talap etetin, halqymyzdyń danalyǵyn kórsetetin ulttyq oıyndardyń biri. Bul oıyn qazir elimizde keń tarap, damyp keledi. Toǵyzqumalaq – álemdik mádenıetke qazaq ultynyń qosqan úlesiniń jarqyn úlgisiniń biri. Bul rette, 2020 jyly toǵyzqumalaq oıyny ıÝNESKO-nyń adamzattyń mádenı murasy tizimine engizilgenin atap ótken jón. Búgin týrnırge qatysýǵa 10 komanda jınalyp otyr. Qatysýshylarǵa alǵyrlyq, uıqyr oı jáne sátti oıyn tileımin!», - dedi QR Prezıdenti Іs basqarmasynyń apparat basshysy Serik Kenjebaev.
Aıta keteıik, byltyr kúzde Prezıdent is basqarmasy qyzmetkerleri toǵyzqumalaq oınap jarysqan edi.