Sharanyń maqsaty – ulttyq sport túrin nasıhattaý, jastardyń dene shynyqtyrýǵa qyzyǵýshylyǵyn arttyrý jáne salaýatty ómir saltyn dáripteý. Sonymen birge, týrnır ujymdar arasyndaǵy korporatıvtik rýhty nyǵaıtýǵa jáne sporttyq tájirıbe almasýǵa múmkindik beredi.
Jarysqa Prezıdent Іs basqarmasyna qarasty túrli mekemeler men uıymdardan kelgen 50 sportshy qatysty.
Nátıjesinde 82 kelige deıingi salmaq boıynsha Prezıdenti Teleradıokesheniniń qyzmetkeri Nurbolat Qulmanov 1-oryn, Materıaldyq-tehnıkalyq qamtý basqarmasynan Ernur Tursyn 2-oryn jáne Medıtsınalyq ortalyq aýrýhanasynan kelgen Medet Mahanbet 3-oryn aldy.
82 keliden joǵary salmaqta:
1-oryn – Esen Túgelbaı (PÁ Ákimshilik ǵımarattar dırektsııasy), 2-oryn – Janserik Qydyrbaı (PÁ Ákimshilik ǵımarattar dırektsııasy),
3-oryn – Aman Túgelbaı (PÁ Ákimshilik ǵımarattar dırektsııasy).
– Men úshin bul týrnır jaı ǵana jarys emes. Bul erik-jiger men ulttyq sportqa qurmetti kórsetý múmkindigi. Qazaqsha kúres bizdi biriktiredi jáne naǵyz jeńis – ózińdi jeńý ekenin eske salady, – dedi 82 kg deıingi salmaqtaǵy jeńimpaz Nurbolat Qulmanov.
«Eń úzdik ádis» nomınatsııasynda Qaıyrbek Omar (Prezıdent teleradıokesheni) jáne «Eń jasy úlken qatysýshy» nomınatsııasynda – Estaı Táshev («Býrabaı damý») arnaıy júlde aldy.
Týrnırdi Materıaldyq-tehnıkalyq qamtý basqarmasy men QR Prezıdenti Teleradıokesheni uıymdastyrdy, sondaı-aq Qazaq kúresi federatsııasy qoldaý kórsetti.
Aıta keteıik, qazaq kúresinen álem kýbogynda Qazaqstan quramasy 6 altyn medal jeńip aldy.