Prezıdent Reseı Memlekettik dýmasynyń Tóraǵasy Vıacheslav Volodındi qabyldady

<p>ASTANA. KAZINFORM &ndash; Qasym-Jomart Toqaev Qazaqstanǵa UQShU Parlamenttik Assambleıasy Keńesiniń otyrysyna qatysý úshin kelgen Reseı Memlekettik dýmasynyń Tóraǵasy Vıacheslav Volodındi qabyldady.</p>

Kezdesý barysynda Qazaqstan men Reseı arasyndaǵy kópjaqty strategııalyq seriktestik pen odaqtastyqty nyǵaıtý perspektıvalary talqylandy. Qasym-Jomart Toqaev pen Vıacheslav Volodın saýda-ekonomıkalyq, mádenı-gýmanıtarlyq yntymaqtastyqtyń ózekti máseleleri jáne Eýrazııalyq ıntegratsııanyń keleshegi jóninde pikir almasty.

«Prezıdent memleketter arasyndaǵy jan-jaqty yntymaqtastyqty nyǵaıtý isinde zań shyǵarý organdary mańyzdy ról atqaratynyn aıryqsha atap ótti», - delingen habarlamada.

Qasym-Jomart kópjaqty yntymaqtastyq aıasynda parlamentaralyq baılanystardy odan ári damytýǵa jáne baýyrlas Qazaqstan men Reseı halyqtarynyń múddesi men ıgiligi úshin ekijaqty seriktestikti barynsha keńeıtýge shaqyrdy.