«Astana» HQO-da qazaq-qatar tikeleı ınvestıtsııalar qory qurylýy múmkin

<p>DOHA. KAZINFORM &ndash;&nbsp;<strong>Memleket basshysy Qatar Investment Authority kompanııasynyń bas atqarýshy dırektory Mansýr Ibragım Ál-Mahmýdty qabyldady, dep habarlady Aqordanyń baspasóz qyzmeti.</strong></p>

Álemdegi eń iri derbes qorlardyń biriniń basshysy Mansýr Ibragım Ál-Mahmýdpen kezdesý barysynda birlesken ınvestıtsııalyq jobalardy júzege asyrý jáne qarjy salasyndaǵy yqpaldastyq máseleleri talqylandy. Qasym-Jomart Toqaev Qatar Investment Authority kompanııasy men «Samuryq-Qazyna» qory arasyndaǵy ózara tıimdi yntymaqtastyq eki eldiń ekonomıkalyq seriktestiginiń qozǵaýshy kúshi bola alatynyn atap ótti.

Mansýr Ibragım Ál-Mahmýd Qazaqstannyń qarjy naryǵyna shyǵý, sondaı-aq agroónerkásip kesheni ónimderin tereń óńdeýge qatysty jobalardy júzege asyrý jospary jóninde aıtty. Budan bólek, kezdesýde «Astana» halyqaralyq qarjy ortalyǵynda qazaq-qatar tikeleı ınvestıtsııalar qoryn qurý múmkindigi qarastyryldy.

Kezdesý sońynda Memleket basshysy Qatar Investment Authority kompanııasynyń bas atqarýshy dırektoryn Astana halyqaralyq forýmyna qatysýǵa shaqyrdy.

Foto: Aqordanyń baspasóz qyzmeti