Prezıdent Premer-Mınıstr Oljas Bektenovti qabyldady

<p>ASTANA. KAZINFORM&nbsp;&mdash; <strong>Memleket basshysy Premer-Mınıstr</strong><strong> Oljas Bektenovti qabyldady, dep habarlaıdy Aqordanyń baspasóz qyzmeti.</strong><strong> </strong></p>

Oljas Bektenov elimizdiń áleýmettik-ekonomıkalyq jaǵdaıy, egin oraǵy jáne sý tasqynynan zardap shekken óńirlerdegi turǵyn úılerdi qalpyna keltirý jumystary týraly baıandady.

Onyń aıtýynsha, bıyl óńdeý ónerkásibi jáne qurylys salasy ekonomıkalyq damýdyń negizgi faktoryna aınaldy;

– Aýyl sharýashylyǵynda da aıtarlyqtaı ósim bar. Elimizdegi negizgi dándi daqyldar alqabynyń 4,5 mıllıon gektarǵa jýyǵy nemese 27 paıyzy jınalǵan;

– orta eseppen bir gektardan 15 tsentner ónim alynyp otyr. Shamamen 6,6 mıllıon tonna astyq bastyryldy. Bul byltyrǵy kórsetkishten 40 paıyzǵa artyq;

– sharýashylyqtarǵa arzandatylǵan dızel otynyn jetkizý kestege saı júrgizilip jatyr.

Ol sý tasqynynan zardap shekken turǵyndardy baspanamen qamtý jóninde málimet berdi. Aıtýynsha,  búginge deıin 7 463 otbasy jańa qonysqa kóshti. 479 baspananyń qurylysy aıaqtalýǵa jaqyn. Sonymen qatar 9 171 otbasyna jóndeý jumystary úshin ótemaqy tólendi.

Kezdesý sońynda Memleket basshysy júrgizilip jatqan jumystyń mańyzyn atap ótip, elimizdi odan ári áleýmettik-ekonomıkalyq turǵydan damytýǵa qatysty birqatar tapsyrma berdi.