Prezıdent polıtseılerdiń jalaqysyn kóterýdi tapsyrdy

ASTANA. QazAqparat - Memleket basshysy Nursultan Nazarbaev óziniń jyl saıynǵy halyqqa arnaǵan Joldaýynda quqyq qorǵaý salasynda ońtaılandyrý sharalaryn júrgizýdi júktedi, dep habarlaıdy QazAqparat tilshisi.

Prezıdenttiń aıtýynsha, kelesi jyldan bastap quqyq qorǵaý organdarynyń jumysyn jańǵyrtý baǵdarlamasy bastalady. Sonyń aıasynda ishki ister organdarynyń shtattyq quramy ońtaılandyrylady. «Polıtsııaǵa qajetsiz fýnktsııalardy bermeý kerek. Áıtpese, polıtsııa anda, polıtsııa mynda, búkil jerde polıtsııa. Polıtsııanyń negizgi mindeti - qoǵamdyq tártipti saqtaý. Boldy. Oǵan kúzet, anaý-mynaýdy ilmeý kerek. Osyny sheshetin ýaqyt boldy ǵoı. Sosyn basshylar kóp, 12-15 joǵary oqý orny bar. 5 ýnıversıetti ǵana qaldyrý qajet. Al únemdelgen qarjyǵa polıtseıdiń jalaqysyn kóterý kerek. Jetpeı jatsa, taǵy kóre jatarmyz. Polıtseılerdiń baspana jáne taǵy basqa máselelerin sheshýimiz kerek», - dedi N. Nazarbaev.