Prezıdent pen halyq senimin aqtaýǵa bar kúsh-jigerimdi jumsaımyn - Máýlen Áshimbaev

ASTANA. QazAqparat – QR Parlamenti Senatynyń tóraǵasy laýazymyna qaıta saılanǵan Máýlen Áshimbaev áriptesterine ózine senim bildirgeni úshin alǵys bildirdi, dep habarlaıdy QazAqparat tilshisi.

«Búgingi palata otyrysyna Prezıdentimiz Qasym-Jomart Kemeluly Toqaev arnaıy kelip qatysty. Konstıtýtsııaǵa sáıkes, Prezıdentimiz Senat tóraǵasy qyzmetine kandıdatýrany usynyp, maǵan zor senim bildirdi. Bul - men úshin úlken jaýapkershilik. Sizder Memleket basshysynyń usynysyn qoldap, daýys berdińizder. Sol úshin ózderińizge alǵysymdy bildire otyryp, Prezıdentimizdiń jáne halyqtyń senimin aqtaý úshin bar kúsh-jigerimdi jumsaımyn dep sendirgim keledi», - dedi Máýlen Áshimbaev.

Senat tóraǵasy Prezıdent Parlamenttiń aldyna jańa mindetter qoıǵanyn eske saldy.

«Jańa Memleket basshysy Parlamenttiń aldynda turǵan basty mindetterdi belgilep berdi. Prezıdentimiz osyǵan baılanysty bizdiń aldymyzǵa naqty maqsattar qoıyp otyr. Shyn máninde atqaratyn jumys az emes. Ásirese elimizde júrgizilip jatqan reformalardy zańnamalyq turǵydan ýaqtyly qamtamasyz etý asa mańyzdy. Sondyqtan memleket basshysy júktegen mindetterdi sapaly oryndaýymyz kerek. Osy jolda bárimiz birge, nátıjeli eńbek etemiz dep senemin», - dedi Senat spıkeri.

Foto: senate.parlam.kz