Prezıdent Pavlodardaǵy Bylqyldaq kólin synaptan tazartý máselesin kóterdi

ASTANA. QazAqparat – Memleket basshysy Qasym-Jomart Toqaev Pavlodar oblysy jurtshylyǵymen kezdesýinde óńirdiń ekologııalyq máselelerin kóterdi, dep habarlaıdy QazAqparat tilshisi.

«Taǵy bir jaýyr bolǵan másele – Bylqyldaq sý jınaqtaýshy kóli, onyń túbinde orasan zor ónerkásiptik synap jınalǵan. Qazir kól aýmaǵynyń lastanýyn taratpaý boıynsha sharalar kesheni qolǵa alyndy. Taǵy da synaptyń jer asty sýlaryna túsý yqtımaldyǵyn baǵalaý kerek jáne sarapshylarmen birlesip, bul máseleni sheshýdiń tıimdi joldaryn anyqtaý qajet dep sanaımyn», - dedi Qasym-Jomart Toqaev.

Prezıdent óz tapsyrmasymen Pavlodar oblysynyń 2020-2024 jyldarǵa arnalǵan ekologııalyq jaǵdaıyn jaqsartý jónindegi keshendi is-sharalar jospary qabyldanǵanyn eske saldy.

«Bul qujattyń qoǵam men ekologtardyń qatysýymen jasalǵany mańyzdy. Munda men Pavlodar ekologııalyq qozǵalysynyń erekshe belsendiligi men nemquraıly qaramaǵanyn atap ótkim keledi. Sizder qorshaǵan ortany saqtaýǵa jáne turaqty damý qundylyqtaryn qalyptastyrýǵa aıtarlyqtaı úles qosyp jatyrsyzdar», - dedi Memleket basshysy.

Buǵan deıin Q. Toqaev óndiristi kúsheıtý men ekologııany qorǵaý arasynda tepe-teńdikti saqtaý kerektigin aıtqan edi.

Foto:pavlodarnews.kz