Prezıdent: Pavlodar – elimizdiń mańyzdy ındýstrııalyq ortalyqtarynyń biri

ASTANA. QazAqparat – Pavlodar-Ertis óńirine Qazaqstannyń ekonomıkalyq progresinde erekshe ról beriledi. Bul týraly Memleket basshysy Qasym-Jomart Toqaev Pavlodar oblysy jurtshylyǵymen kezdesýinde aıtty, dep habarlaıdy QazAqparat tilshisi.

«Qazirgi ýaqytta energetıkalyq qaýipsizdik búkil álem úshin óte ózekti másele bolyp otyr. Elektr energııasynyń jetkilikti kólemi bolǵanda ǵana memleketterdiń qaryshtap damýy men turaqty ındýstrııalyq ósý múmkindigi bolady. Sondyqtan, Pavlodar-Ertis óńirine Qazaqstannyń ekonomıkalyq progresinde erekshe ról beriledi», - dedi Prezıdent.

Memleket basshysy Pavlodar oblysynyń elimizdiń mańyzdy ındýstrııalyq ortalyqtarynyń biri ekenin atap ótti.

«Resýrstar men elektr energııasynyń qoljetimdiligi, damyǵan ınfraqurylym óńirdi odan ári damytý úshin zor perspektıvalar ashady», - dedi Q. Toqaev.

Aıta keteıik, búgin Memleket basshysy Pavlodar oblysyna jumys saparymen bardy.