Prezıdent Parlamenttegi partııa fraktsııalarynyń jetekshilerimen kezdesti

<p>ASTANA. KAZINFORM - Memleket basshysy Qasym-Jomart Toqaev Qazaqstan Respýblıkasy Parlamenti Májilisindegi saıası partııalar fraktsııalarynyń jetekshilerimen kezdesý ótkizdi.</p>

Kezdesýde Prezıdent Konstıtýtsııanyń 44-babyna sáıkes Premer-Mınıstr laýazymyna usynylǵan Oljas Bektenovtiń kandıdatýrasy jóninde fraktsııa basshylarymen keńesýge tıis ekenin aıtty.

Talqylaýǵa «Amanat» partııasy fraktsııasynyń jetekshisi Elnur Beısenbaev, Qazaqstan Halyq partııasy fraktsııasynyń jetekshisi Magerram Magerramov, «Aq jol» partııasy fraktsııasynyń jetekshisi Azat Perýashev, Jalpyulttyq sotsıal-demokratııalyq partııasy fraktsııasynyń jetekshisi Ashat Raqymjanov, «Aýyl» partııasy fraktsııasynyń jetekshisi Serik Egizbaev, «Respublica» partııasy fraktsııasynyń jetekshisi Aıdarbek Hodjanazarov qatysty.

Aıta keteıik, keshe Memleket basshysy «Qazaqstan Respýblıkasynyń Úkimeti týraly» jarlyqqa qol qoıdy.

Prezıdent keńesshisi - baspasóz hatshysy Berik Ýálı Úkimet basshysyn taǵaıyndaý rásimi jóninde pikir bildirdi.

Qazaqstan Respýblıkasy Premer-Mınıstri mindetin ýaqytsha atqarý Roman Vasılevıch Sklıarǵa júkteldi.