Prezıdent: Pákistan - Qazaqstannyń Ońtústik Azııadaǵy negizgi seriktesteriniń biri

ASTANA. QazAqparat - Qasym-Jomart Toqaev Pákistan Premer-mınıstri Shahbaz Sharıfpen telefon arqyly sóılesti, dep habarlaıdy QazAqparat.

Shahbaz Sharıf Qasym-Jomart Toqaevty kezekten tys Prezıdent saılaýyndaǵy jeńisimen quttyqtady.

Memleket basshysy Pákistan Premer-mınıstrine quttyqtaǵany úshin rızashylyǵyn bildirip, Pákistan Qazaqstannyń Ońtústik Azııadaǵy negizgi seriktesteriniń biri ekenin jetkizdi.

Áńgimelesý barysynda eki el arasyndaǵy ózara saýda-sattyqtyń qarqyndy damyp kele jatqany, energetıka jáne kólik sektorlaryndaǵy yntymaqtastyqtyń keńeıe túskeni atap ótildi.

Foto: akorda.kz