Prezıdent otbasy qundylyǵy týraly: Qazir álemde geosaıası ıdeologemalar dáriptelip jatyr

<p>ASTANA. KAZINFORM &ndash; Ortalyq Azııa elderi ortaq tarıhtyń jarqyn betterine kóbirek nazar aýdarýǵa tıis.&nbsp; Memleket basshysy Qasym-Jomart Toqaev Egemen Qazaqstan gazetine jarııalaǵan &laquo;Ortalyq Azııa renessansy: ornyqty damý jáne órkendeý joly&raquo; atty maqalasynda osyndaı oı aıtady.</p>

«Tarıhı jadymyz – halyqtarymyzdyń ulttyq sana-seziminiń myzǵymas tuǵyry. Biz ata-babalarymyzdyń jetistikterin jáne baı mádenıetimizdi maqtan tutamyz. Osy oryndy maqtanysh qazir barsha ulttyń tabysty damýyna, sondaı-aq olardyń bolashaqqa senimmen qadam basýyna qýatty serpin beredi. Sondyqtan biz ortaq tarıhymyzdyń jarqyn betterine kóbirek nazar aýdarýǵa tıispiz. Ortalyq Azııanyń jalpy tarıhyn túrki, parsy, arab, qytaı, Reseı jáne Batys Eýropa derekkózderine súıenip jazý mańyzdy mindet dep sanaımyn», - deıdi Prezıdent.

Avtor óńirdegi baýyrlas elder ortaq rýhanı kodty kózdiń qarashyǵyndaı saqtaýy kerek dep esepteıdi.

«Jahandyq básekege qabiletimizdi arttyrý úshin biz birligimizdi saqtaı otyryp, ortaq maqsattarǵa úzdiksiz umtylýymyz kerek. Uly Abaı «Birlik – aqylǵa birlik» dep beker aıtpaǵan. Qazir jer júzinde geosaıası jobalar men ıdeologemalar dáriptelip jatyr. Mundaı jaǵdaıda biz ózimizge tán qonaqjaılyq, yntymaq jáne ózara qamqorlyq sııaqty qasıetterimizdi, sondaı-aq otbasylyq qundylyqtarymyzdy jáne basqa da ozyq dástúrlerimizdi qamtıtyn rýhanı-mádenı kodymyzdy kózdiń qarashyǵyndaı saqtaýymyz kerek», - dep jazady Qasym-Jomart Toqaev.