Prezıdent Ortalyq Azııa + Shyǵanaqtaǵy arab memleketteriniń yntymaqtastyǵy keńesinde sóz sóıledi

ASTANA. QazAqparat - Memleket basshysy Qasym-Jomart Toqaev «Ortalyq Azııa + Shyǵanaqtaǵy arab memleketteriniń yntymaqtastyq keńesi» birinshi sammıtinde sóz sóıledi, dep habarlaıdy QazAqparat.

Prezıdent eń aldymen, Qos kıeniń saqshysy – Korol Salman ben Ábdelazız Ál Saýdqa jáne Saýd Arabııasynyń Taq murageri, Premer-mınıstri Muhammed ben Salmanǵa shynaıy alǵysyn bildirdi.

«Búgin «Ortalyq Azııa + Shyǵanaqtaǵy arab memleketteriniń yntymaqtastyǵy keńesiniń» joǵary deńgeıdegi birinshi sammıtine qatysyp otyrǵanyma qýanyshtymyn. Bul – men úshin zor mártebe. Osy tarıhı kezdesý bárimiz úshin qasıetti jerde birlik pen ózara qoldaý jaǵdaıynda ótip jatyr. Sonyń arqasynda elderimizdiń baýyrlastyǵy jáne dostyǵy nyǵaıa túsetini sózsiz», - dedi Qasym-Jomart Toqaev.